لــــ/محمد الخس "..سمعت الحمام اللي سجع فوق غصن الدوح.."

[@القرم@]

بسم الله الرحمن الرحيم


السلام عليكم ورحمة الله وبركاته


أترككم مع هذه الشامخه ...


وأتمنى أن تنال إعجابكم و تحوز على رضاكم ...

سمعت الحمام اللي سجع فوق غصن الدوح=
جذبني بنغمات(ن) هل الحب... تفهمها
تغنا بشعر(ن) من شذاه العطور تفوح=
يعطّر مسامع من سمع في... ترنّمها
من الشاعر اللي قبل انا لاامدحه ممدوح=
وكد قالوا الاجواد ما تهفي... ذممها
غنيّن عن التعريف ازيد الوضوح وضوح=
تباها به اشعاره يصخّر... ملاحمها
عميد القصيد وفي عيون العدا ذرنوح=
وهو الاديب ونفسه الرب... ملهمها
شعاني وانا قلبي مع اهل الغرام ايتوح=
هضمني وروحي قبله الحب... هاضمها
جبرني ابوح وعادتي للخفا مااابوح=
اداري عن السمعه و نفسي... مشيّمها
اجامل وانا قلبي بسيف الغلا مصطوح=
اكن العباير في ضميري... وكاظمها
هليك ودريك ادوّر من البلال انشوح=
وكبدي تفوح و بارد الشرب... يلطمها
غديت الغليث اللي يخاف البروق تلوح=
يسوج ويلوج ونفسه الغلث... مسقمها
سبايب عنودن صار في حبلها ساموح=
حرمني محجّرها و هي مثلي... احرمها
علامه يفرّقنا لعله ما هو مبيوح=
بنينا الامال و حاقد القلب... هدّمها
ولاله مصالح بس غاد الجدا مشفوح=
مسممّ و نفسه زايد الغيض... سممّها
حقود و حسود ومسردن كنه النابوح=
و ذلوله على كل المغازي... يدرهمها
عسى الله يلم الشمل بالصاحب النصوح=
و تطيب النفوس اللي محيمه... حوايمها
و تليم شفوف اهل الهوىو العدو مكبوح=
و تلحق هواها المغرمه لجل... مغرمها
تهيّا على وضح النقا دربها مبروح=
انال الهنوف اللي و لامي... موالمها
و يبرا فوادن من غرام الهوى ملحوح=
لحاه الهوى وارثع بروحي... و حطّمها
و تخايط جروح بداخل الضامر المشلوح=
من الجادل اللي حاكمتني... و حاكمها
هنوفن عيوفن من تولّع بها مسموح=
كساها الحلا من الراس لاحد... مقدمها
غنوجن عنوجن بهرجها للعرب سحوح=
فتون(ن)يضيّع كلمته من... يكلّمها
بها من مهاة الريم غره و فيها لموح=
تذوب القلوب بنارها... ما تقاومها
عليها الله اكبر كيف جاحت فوادي جوح=
بها النفس مرهونه و لاني... بلايمها
تمركز غلاها غصب ماعاد هو ممسوح=
ولاعاد لي سلطه على النفس... ايممها
انا صاربي ما صار للخس يا ملّوح=
طواني هوا خلن طوىالحال... و اعدمها
خليلن تخلخل خل عقلي و شاحه شوح=
عزلني عن العالم دها النفس... و اوهمها
خطاها كبر سنجار مير الخطا مدموح=
لعل و عسا ترحم و ذا من... مكارمها

دمتم بود ,,

[..غلطهـ..]

تسلم يمينك



ومحمد الخس شاعر كبير و صح لسانه

[بنت الزعبي ..]

هالله هالله لاهنت ع ذا القصيدة العذبه

وهذا مهوب عليك الاختيار الراقي

وصح لسان كاتبها وناقلها

تقبل حضورى المتواضع

[رجـم بـذال]

القرم

صح لسان الخس


ولاهنت

على نقلها

[محمد بن خزيم]

صح لساان محمد الخس وهو شاعر كبير




ولاهنت يا القرم مبدع

[ملهمة الشاعر]

محمد خلف الخس


شاعر وعلم ومن عمالقة الشعر

[العجمي كوم]

السلام عليكم ورحمة الله وبركاته

الله يعطيك العافية .

وصح السانك والسان الشاعر الغني عن التعريف .


ولاهنت

[نـــهــر آلــعــســل]

صح لساآنه وتسلم يمينك
..
تحيآتي

[@القرم@]

المشاركة الأصلية كتبت بواسطة ..غلطهـ..

تسلم يمينك



ومحمد الخس شاعر كبير و صح لسانه

ومن يقوووول ..

صح بدنك ..

[@القرم@]

المشاركة الأصلية كتبت بواسطة بنت الزعبي ..

هالله هالله لاهنت ع ذا القصيدة العذبه

وهذا مهوب عليك الاختيار الراقي

وصح لسان كاتبها وناقلها

تقبل حضورى المتواضع

ولانتي ..

صح بدنش ..

شكرا على المرور الجميل ..