قصه عجيبه وصلتني بالايميل .. لا تطوفكم :)

[‏وَتـے ـيــنْ]

قصة اول حب بحياتي

طبعا شي اكيد ان الشاب يحب المتعه ويعشق التجربه وخصوصا اذا كان بحياته ما كلم بنت
ابداء القصه بالاول كنت اشوف اصدقائي (ربعي) يكلمون وانا مو راعي بنات انا راعي نياق (الأبل) جان اكشخ والبس هذاك اللبس اللي ما في مثله واحط ذاك الجل (دهن يحطونه على الشعر) ولو اني ما عرفته الا هالايام واتعطر ذاك العطر اللي شاريه من عطار بربع دينار بجليب الشيوخ المهم
واركب سيارتي (دايو) واللي يشوفني يقول هذا رايح يوزع جرايد مو رايح يغازل
واورح هذاك المجمع اللي عليه الضغط كله (الحمرا مول الواقع بالفروانيه بجوار عمارة المعلم حسنين) واشوف هذيك البنت اللي دشت مزاجي واروح لها ( طبعا ماعندي اسلوب ) واقولها طاح طاح .. تقول شنو .. اقولها نصج .. واضحك واضحك الشباب عليها والحقها ( على بالي البنت تبيني وهي متوهقه فيني ) المهم والحقها وهي تطالعني بنظره حقد واحتقار تطالعني من فوق لتحت واقولها شنو عاجبج الجوتي وهي ترفع الجنطه وعلى وجهي خلااااص ما في شي قدامي الا اني انحاااااش
انا اعرف اسوي جاي .. قهوه .. اطبخ بس هالسوالف .. بس ما اعرف ارقم احب الصوت الناعم بالتلفون وترا انا مو شين يعني حلييييو الا حلو ومزيون قطعة قمر والله اني موووت
المهم واحد من الربع شاف حالتي وحب يوجهني وانا قابل للأنحراف .. ووجهني للانترنت
الشات ... البنات ... تكلم بنت ولا في احد يشوفك .. ولا تأجر بي ام علشان القز
وبديت ادش .. واسولف مع هذي .. واهاوش هذي .. وازف هذي لين جا اليوم اللي دشت فيه وحده علي برايفت
قالت: مساء الخير
انا ما صدقت وطاح لساني
وقلت: مساء الفول والطعمية والطحينيه وشورما افراح الخليج
وبدت تسولف وانا اسولف... تضحك وانا اضحك .. وكلامي عجبها لأني اول مره اكلم بنت بدون نية ترقيم بس سوالف
المهم طلبت تضيفني بالماسنجر (نصااب انا اللي طلبت خخخخخخخخ ) فعلا وبعدها صرنا يوميا نتواعد ونسولف عن حياتنا .. دراستنا .. شلون بنت خالها هدت رفيجها .. .. وشنو اللي صار لعمها اللي ما لقا وظيفه وقالتلي عن تجاربها في الحب
و وصلنا لمراحل حساسه شنو نوع نقالها وشنو مسجاتها وتقولي عنها .. وانا اقولها ( بس كنت جنتل ما طريت الترقيم) وصرنا على هالحال شهرين لين تعلقت فيني وانا تعلقت فيها فعلا صرت ما اقدر استغني عنها .. حبيتها حتى لو كانت جيكره وهي بعد حتى لو اني غسال سيارات اللي يغسلون بسوق شرق تحبني
وقالتلي ودي اسمع صوتك ادري انك بتقول عني رايحه فيها بس ما ادري لازم اسمع صوتك من الربكه ما قدرت اكتب قمت اكتب بدليات
ودزيت لها محادثه صوتيه .. وقبلتها ..نسمع اصوات الكي بورد بس ما احد منا تكلم
سمعنا انفاس بعض تلهث بحراره كلامنا اللي ينكتب تقطع وما تحملت قلت لها الو .. قالت لي هلا .. والله غمضت عيوني من روعة صوتها ... قلت: هلا وغلا اخبارج ... قالت: والله تمام انت شلونك .. وقعدنا نسولف ثلاث ساعات .. صرنا نتواعد باليوم ست مرات كله محادثه صوتية اسمع صوتها وتسمع صوتي .. ونسولف .. جتني فتره اكتب اسمها على كتبي وتكتب اسمي على كتبها اقول شعر فيها وتقول شعر فيني خليت ايميلها يشتكي من لوعتي عليها بالكروت وخلت ايميلي يغص بانواع الشوق واللهفه قلتلها بسافر حفر الباطن (منطقه بشمال السعوديه قريبه من الكويت) اسبوعين وبرجع .. قالتلي من صجك تخليني اسبوعين انت تبيني اموت .. قلت ياعمري والله مو بيدي .. قالت اذا اشتقت لك شنو اسوي .. قلت اكلمج محادثه صوتية .. قالت شلون تدخل النت (فيه كافي واحد هناك واجهزته مكسره ومن العصر الحجري ويشغلونها على ماطور كل ساعه طافي) .. قلت اكلمج بالموبايل شرايج؟ .. سكت وانا خايف .. وما دريت الا حاطة رقم نقالها .. وانا اكتبه بالعكس من الحمااس .. قلت لها ترانا مجانين .. قالت اروع انواع الحب ما تطلع الا من مجانين .. بدينا نكلم بعض على الغدا على العشا بكل وقت اشتاق لها اكلمها .. ارتبطت
ارواحنا بشكل فظيع فظيع .. صرت ما اقدر على فراق صوتها ساعتين على بعض

ادري اني طولت بس من زمان مو كاتب استحملوني شوي .....

تطورت العلاقه .. ما يمر عيد الا اهديها.. ما يمر يوم ميلاد الا وتهديني .. وماتمر سياره الا نوقف ننطرها تروح علشان نقطع الشارع (شكووو) .. وصرنا على هالحال ليما امتلت غرفتي وغرفتها بالهدايا .. وصارت ما تعرف تنام الا وهي حاضنه دب كبير ناعم محفور وسطه
(i love u)
اهديتها اياه بعيد ميلادها العشرين .. لين قررنا نشوف بعض .. واتفقنا نشوف بعض عند بسطة بسوق الجمعه .. وسبقتها وانا رسمي من شعر ناعم مدرج تمام وسكسوكه .. وبشره تعكس النور ( محلق عند طارق الباكستاني بنص دينار ).. من ثوب كله بقع زيت ومرق وعصير فراوله الى جنز غالي وحزام فضي وقميص يبين مناطق التعضل بجسمي .. دخلت السوق وبدال ما ادور البنات .. حسيت بعيونهم علي ..واللي تسألني عن المحل الفلاني وينه فيه .. واللي تتبسم
وانا حاقرهم

بعد ما وصلت السوق (سوق الجمعه) بالموقع عند البسطة اللي محددتها نطرت وماجت قلت يمكن عندها ظروف وانطر وادق عليها وقلت هاااا .. وين الحلوين ؟؟؟ قالت انت اللي وينك ؟؟ قلت بالموقع .. قالت افاا تجذب علي قلت والله بنفس المكان .. قالت متأكد انك بسوق الجمعه .. قلت والله بسوق الجمعه .. واسمع وحده قريبه مني تقول لصديقتها اووه ملينا من هالسوق خلينا نروح سوق الجمعه ..خخخخخخخخخخ..واحط ايدي على السماعه ..واقول لرفيجتي برب .. وهي تقول تيت ..قلت لو سمحتي اختي اكلمها ..قالت نعم شتبي .. قلت والله اني مضيع هذا اي سوق .. قالت والله انك دايخ في احد ما يعرف سوق الحمام .. قلت بسوق الحمام عاد ما فيها .. وذكرت اني لاحق وانيت فيه بنات لين وصلو هني خخخخخخخخخ .. على اساس ارجع لرفيجتي .. ونسيت نفسي ووقفت عند فرع ثاني للبسطة .. وارجع اكلم حبيبتي .. واااو حبيبتي سوري .. ثواني وانا عندج .. دقايق وانا عند البسطة .. واوقف بمكاني وتمغصني مصارين قلبي .. شفتها .. .. ايه في الجمال ... كانت بقمة جاذبيتها وهي تتأفف من الملل .. لانها ناطرتني .. قربت .. وحلوتي تطالع ساعة ايدها .. وتحاول تدق علي .. وانا مبهور بسحرها لين جيت عندها بدون ما تحس .. دقت علي ويدق تلفوني وانا عندها .. ارتاعت وطالعتني .. وما صدقت ان
هذا انا الحلو الوسيم ( انا كنت راسم صورتي على اني جيكر علشان ما تنصدم بشكلي لو كان مو حلو .. حطت النقال بأذنها وهي مو مستوعبه متوقعه واحد دق نقاله بالصدفه .. رديت عليها وانا عندها .. قالت ها وينك .. قلت لها .. انا مقابل اروع واحلى واكشخ بنت بالكويت .. طالعتني ولفت جسمها وشبه ابتسامه على وجهها .. وانا محافظ على ابتسامتي ومستمر اكلمها بالنقال مع انها قدامي .. قلت ليش الحلوين ساكتين مادروا اني مشتااق لهم حيل اعد الدقايق والثواني علشان اكحل عيوني بشوفتهم ... واعبر عن لهفتي فيهم ..وهي تنزل نقالها وعطتني ابتسامة ولا اروع .. وهيي تتأمل فيني وانا مستمر ماسك النقال واكلمها .. قالت بوغازي واو انت بوغازي .. قلت ايه يا عيون ودنية بوغازي .. قالت مو مصدقه قلت .. اقول مو وقته افلام ابيض وكحلي مشينا بس ..وفعلا ... ركبنا سيارتي وكانت فيها فتحه متسلفها من رفيجي ( بوعيد) وانطلقنا .والعالم هاديه من حولنا كان الجو وسط السياره من ابدع ما يكون .. سوالف .. حب .. كل واحد يعبر عن اعجابه بشكل الثاني... ضحك .. تذكر مواقفنا كلامنا بالتلفون .. ضحكنا كثير .. وقفت اعبي بانزين ويوم عبا الهندي نحشت مع ان الخير واجد بس حبيت اسوي اكشن لاني بصراحه ما قاومت ضحكاتها من اللي صار .. رحنا لطريق مظلم .. وانا امشي بسرعه منخفضه .. فجأه نزلت شيلتها .. وطلع لي شعر ليلي طويل دوخني ريح طيبه وطلعت راسها من الفتحه وصرخت باعلى صوت .. والطريق مظلم وفاضي .. ( احبـــــــــــــــــك).. والهوى يلعب بشعرها .. انا ما تمالكت نفسي طلعت راسي مع راسها ( اخر مره سويته يوم شجعت المنتخب) وقلت
وانا اموووووووووووووووت فييييييييج قالت بوغازي السيارة وانتبه ان السياره قامت تلعب ... واحاول اسيطر عليها بس خلاص فقدت السيطره .. نسيت السياره وذكرتها حاولت اسحبها من الفتحه لكن ما دريت الا حافة الطريق قدامي والسيارة تلعب فينا يمين ويسار وتبجي من الروعة وماسكة ايدي
وانا ظلمت الدنيا بوجهي .. شفت الموت.. حسيت ان عزرائيل قاعد على الجام يأشرلي بأبسامة مرعبة وانا اقولا لا لا لا لا طقيييييت بريك فجأه انقلب السيارة عدة قلبات وماحسيت بنفسي بعدها ..


بعد فتره .. فتحت عيوني .. ولقيت دكتورين وضابط شرطه والوالد عند راسي ... ابوي تبسم .. وقال الحمد لله على سلامتك يا ولدي قلت له : الله يسلمك يبه .. تحمدوا لي الموجودين بالسلامه ...
وانا مو معهم ... وبديت انطق باسمها مثل المهبول .. قال الوالد يا ولدي : من اللي كان وياك ما تخاف الله .؟؟؟؟؟ .. قلت يبا اذبحني اقبرني يالحيا بس طمني عليها وينها هي بأي غرفه؟؟
نزل الوالد راسة ... الدكاتره طلعوا من الغرفه ضابط الشرطه يقول : انا لله وانا اليه راجعون ..... تحجرت الدموع بعيني ... انهرت .. بديت ابكي بدون صوت ...
انوح بدون دموع ... وجسمي يتنافض ... ماتت الحبيبه ؟؟ ماتت الغاليه ... ؟ ماتت العزيزه ؟؟ ما راح اسمع صوتها خلاص؟ ما راح تقول بالتلفون قولي احبك ..ما راح اسمعها وهي تغني علي خلاص ؟؟ لالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالا
لالالالالالالالا
وابدا ابكي بسرعة الدموع تتسابق .. ابوي يحاول يمسكني الضابط ينادي على الدكاتره ..
وانا اطق هذا وادز هذا واركض مثل المجنون ( ماماتت حبيبتي يبون يخوفوني بس ).. والله ما اقعد بالنت .. بس قولوا لي انها متعوره بس .. قولوا لي بغرفة الانعاش ..الله يخليكم سوا اللي تبون .. اسجنوني .. احرموني شبابي .. بس هي لا تموت .. واسمع ابوي يقول استغفر ربك يا ولدي .. اذكر الله ومرت شريط ذكرياتي معها بسرعه كانها رسالة توديع من اغلى ناسي حسيت طيفها يتلاشى وبسمتها تذوب ... رحلت عني .. وانا السبب انا المجرم .. انا الحقير .. انا اللي قتلتها .... طحت على ركبي ... منهااار تماما ... ودموعي تنزل على البلاط بحراره ... وانا اقول ... يا رب اغفر لها وعاقبني مالها ذنب بكيت وابكيت اللي حولي .. وانطوت قصة اول واخر حب .. وين .. بمستشفى ... انتهت بفراق احبه .












^
^




^
^





^
^





^
^




^
^
^
^
^
^
^
^


^
^
^
^
فجأة طلعت لي حبيبتي من احد الغرف ... ومعها عبد الخالق الغانم ( مخرج طاش ماطاش).. تقول .. اعتقد انا ما قصرت يا بوغازي عطني حسابي الله يخليك وخلني ادور .. مقصه غيرك .. قمت وطلعت البصلة اللي حاطها بمخباتي علشان الدموع الحارة خخخخخخخخخخخ .. وقلت لا والله ما قصرتي .. .. خذي خمس دنانير وجاني عبد الخالق حق طاش ... يقول : ( برااااافو براافو) قلت له اخلص جم تبي ؟؟ .. قالي حبيبي بوغازي اذا عندك اي نصبه .... مستعد اخرجها لك .. يا الله فمان الله . قلت سلم لي على ( منافسيني ) ولد القصبي والسدحان وقولهم يقولكم بوغازي الوعد رمضان الجاي .. ان ما خليت العالم يقابلون الانترنت بعد المغرب يشوفون مواضيعي لا تسميني بوغازي ..ويالله عن اذنكم وادري ان الموضوع طويل حيل

بس الموضوع صراحة عجبني وركبته علي خخخخخخخخخخخ
الى اللقاء في قصة جديده من القصص الكذابة
خخخخخخخخخخخخخ
مع تحيات بوغازي


واسفه على الاطاله




على فكره مو انا ابو غازي ابو غازي اللي ارسلها لي ايميل

[سهوم بقعهـ]

<<< فاحطتـــ(ن) من الضحك



* انا ما تمالكت نفسي طلعت راسي مع راسها ( اخر مره سويته يوم شجعت المنتخب)

قسم بالله مهبلّ

يسلموؤ حبيبتيّ ريووم قصه مررره ناآيس

[عبدالرحمن الرتيبان]

هههههههههههههههههههههههههههههه


خووووووش قصه


يعطيش العافيه



تحياتي لش

[هتلرالضواعن]

هههههههههههههههههههههههه


الله قصه حلوه وتضحك
مشكوره اختي وماقصرتي

[عجميه مردده]

ههههههههههههههههههههههههههههههههههه

هههههههههههههههههههههههههههههههههههههههههههههه

هههههههههههههههههههههههههههههههههههههههههههههههههه ههههههههه



روعه القصه صراحه موثره


يسلموووووووووووو ريم

[‏وَتـے ـيــنْ]

لا هنتو على المرور