السموحة منكم يالربع تراني من زمان ما شاركت والحين بشارككم بهذي القصيدة
عزي لمن مثلي يردد لحونه
جفني سهير وحالتي ينرثالها
نفسي غدت متولعه ومحزونه
والعين طيب نومها ما هنا لها
لي تلني تل الصعب*بالخشونه
حبه دعاني بين ماها وجالها
لا هو تعذر لي وبترك شؤونه
ولا عندي دروب التوالف سعى لها
ان جيت باترك رواحل ضعونه
ناره على المهجه يزيد اشتعالها
لا هو بعيد وتسلم الشمس دونه
ولا حاجت(ن)بالقرب يسهل منالها
يالموز ياللي مورقات(ن) غصونه
محبتك عندي توسع مجالها
حسن البداوه من محاسن فنونه
وطبوع ربات القصور ودلالها
وخد(ن)كما البراق يعشيك لونه
وبشره كما الورد الطبيعي مثالها
أسن من رمح الزناتي عيونه
وأشنع من جروح الخناجر فعالها
كنه عطاني قيس حالة جنونه
وأنتي عطتج العامريه جمالها
عندك هوى قلبي موقف زبونه
جداك نفسي ميلها وانعدالها
لو ما تعاملتو بطيب ومرونه
ضحيتك م اليم صعب انتشالها
رفق(ن)بصب(ن)فارشن لك حضونه
وأن شلتك عينه يحطك كحالها
*الصعب: الناقة الحديثة العهد بالحبل (الخطام)
واذا عجبتكم الغنايم فالكم بنجيب غيرها وغيرها وغيرها
17-08-2007, 01:41 PM
العرض العادي
