قالـوا كـذا مبسـم هيـاء قلـت لا لا

[الحاتمي]

بعض قصائد محسن الهزاني رحمه الله
-
-
مبسم هيا
-
-
-

قالـوا كـذا مبسـم هيـا قلـت لا لا=بين البروق وبين مبسـم هيـا فـرق

ويالله بـنـوٍ مـدلـهـم الـخـيـالا=طافح ربابه مثل شرد المهـا الـزرق

لا جا علـى البكريـن بنـا الحـلالا=ولاعاد لا يفصل رعدها عـن البـرق

يسقي غروسٍ عقـب ماهـي همـالا=وحط ( الحريق ) ديار الاجواد له طرق

يسقـي نعـامٍ ثـم يـمـلا الهـيـالا=ويصبح حمامه ساجعٍ يلعـب الـورق

جرّيت انا صـوت الهـوى باحتمـالا=بي وسط بستـانٍ سقـاه اربـعٍ فـرق

طبّيـت مـع فـرعٍ جديـد الحـبـالا=وظهرت مع فرعٍ تناوح بـه الـورق

روشن ( هيا ) لـه فرجتيـنٍ شمـالا=وبابٍ على القبله وبابٍ علـى الشـرق

وضحكة ( هيا ) له بالظـلام اشتعـالا=ما بين ضحكتها ونـور القمـر فـرق

بـرقٍ تـلالا بأمـر عـز الـجـلالا=واثره جبين صويحبي واحسبـه بـرق

يا شبه صفراً طـار عنهـا الجـلالا=طويلة السمحوق تنـزح عـن الـدرق

له ربعه احلـى مـن حليـب الجـزالا=واحلى من السكر الى جا مـن الشـرق

حنّيـت انـا حنّـة هزيـل الجمـالا=ينقض ردي الخيـل كدحسـة الفـرق

ويـا قلّـةٍ بـي عاليـات الجـبـالا=ماها قراح ميـر مـن دونهـا غـرق

مـا عـاد للصبيـان فيهـا احتمـالا=من كود مرقاهـا يديهـم لهـا طـرق

قالوا تتوب مـن الهـوى قلـت لا لا=الا ان تتوب رماح علوى عن الـزرق

قالوا تتـوب مـن الهـوى قلـت لالا=الا ان يتوبون الحناشل عـن السـرق

قالوا تتـوب عـن الهـوى قلـت لالا=الا ان تتوب الشمس عن مطلع الشـرق

م
ن
ق
و
ل

[الاحرش]

صح لسان شاعرها وناقلها



ولاهنت


على القصيده الرائعه

[مصافح الشعر]

صح الله لسان الشاعر/ محسن عسى الله يرحمه

قصيده في منتهى الروعه

الخاتمي

لاهنت على النقل المتميز

[مسفر بن حمران]

قالوا تتـوب عـن الهـوى قلـت لالا
الا ان تتوب الشمس عن مطلع الشـرق

قصيده في منتهى الروعه وصح لسانك ولسان شاعرها وعسى ربي يرحمه

[الحاتمي]

اخوي الاحرش لا هنت على مرورك


تحيااتي

[الحاتمي]

اخوي مسفر لا هنت على


مرورك تحيااتي