راكاااان بن مشعل

[bent_3ajmi]

يسعدني أن أنقل لكم هذه القصيدة وهي قصيدة ثناء بالشيخ راكان بن مشعل بن حثلين من شيوخ العجمان وهو موجود حلياً


بديت بالرحمن علام ماكان ++ علام ما با لكون جزل العطايا
جايب من المنشا ثقيلات الأمزان ++ بامره نشت غر المزون الروايا
هو الوحيد اللي ضمن رزق الانسان + + لوما نطق عبده يعرف النوايا
بعد الولي نبدع من الصدر قيفان + + إنتاج فكري ما خذيته حذايا
يا راكب اللي وان مشى تقل شيهان + + أخر موديل الجمس ماله حلايا
جديد توه وردوه المريكان + + مافوق بديه غير زيك ومرايا
من عندنا ملفاه الشيخ راكان + + نسل الأمير اللي يقود السرايا
تلقاه دايم عنده العصر ديوان + + مفتوح بابه للعدا والدنايا
مد هال عصمان الشوارب بليهان + + أبو فيصل حلال صعب القضايا
معروف ساسه من عمام وجدان + + مشهور ساسه بالكرم والحمايا
من لا بتن معروف فعله بالاكوان + + وقت اللقا يردون حوض المنايا
الياجا نهاِر فيه عج ودخان + + من عادة العجمان فك الرعايا
ما قول أنا شي على غير برهان + + صمايل ماهي علوم وحكايا
قلته وانا من لا بتن شانها شان + + عند القبايل يزهمون الطنايا
وختامها صلوا على نسل عدنان ++ شفيع الأمه يوم يبس الشفايا

أرجو أن تنال إعجابكم


منقووووول

[بندر]

والنعم في راكان بن مشعل ولا على الطنايا زود ..

ولاهنتي يابنت ,,

[ناصر بن حثلين]

يستاهل

[برق الحيا]

يستاهل أبو مشعل وصح لسان الشاعر

[عبدالناصر آل عبدان]

صح الله لسااااانك



وصح الله لسااان شاااعرهاااا




قصيده جميله


وشكرا على النقل المميز




في حفظ الله

[bent_3ajmi]

السلام عليكم ورحمة الله وبركاتة



مشكورين اخواني...

تسلم راعيها.
وماقصرت يابن حثلين والمغني وابن فهاااااااااااد وانشالله اعجبتكم.

[خالد الفيصل]

يسعد مساكم حبيت انوه على الاخوان المشاهدين ان ابو فيصل انتقل الى رحمة الله تعالى قبل اسبوعين وارجو من الله ثم منكم الدعاء له بالرحمه والمغفره@

[شرس]

بنت عجمي
صح السانك ولسان شاعرها
على نقل
القصيده
الرائعه
ومشكوووووووووره

[(_. ._)]

قصيده رائعه
والله يعطيج العافيه على هالنقل الرائع