النفس ضاقت من وجيه الرديين = لاعاد بي حيلن ولابي استطاعه ياالله يامجلي هموم المساكين = تفرج لمنهو ضايقن وسط قاعه انا طلبتك يامغيث الاراضين = يامبدلن ضيق الفرج باتساعه انك تصبرني على ديرة الشين = وتصبر اللي يحتريني بساعه وجدي على شوفة ديار السلاطين = ديرة هل التاريخ واهل الشجاعه وخص الديار ديار ربعن سفارين = ربعن لهم في ذروة المجد ساعه ربعي بني عمي سقوم المعادين = لي جاء نهار فيه يقدح شعاعه وجدي على شوف القروم المسمين = وبيت الشعر مبني ومرخي اشراعه لاشفت ابوبندر غدى خاطري زين = لي حكى كلن نصت لاستماعه هذاك ابوبندر كبير السفارين = راعي الكرم والطيب شيخ الجماعه سلام مني عداد ماغمضت عين = واعداد ماترسل علينا الاذاعه سلام مني للرجال العسيرين = اللي لهم في ذروة المجد ساعه ياالله يامنزل تبارك وياسين = انك تقويني بعزم وقناعه
02-07-2005, 06:27 AM
العرض العادي
