للزين قالوا علامات

[حبيب]

للزين قالوا من قديم علامات..=
عين ومبسم والجسم والرشاقة..

لكن كسر هالقاعدة هالمتينات..=
من واقع ماهو كلام وبلااغة..

اللي محليهن و لو هن ثقيلات..=
دايم خفاف الدم وفيهن لباقة..

الله يا هن يا جماعه لطيفات..=
وعلى الكلام الحلو فيهن طلاقه..

ماهو ضروري بالرشاقة رشيقات..=
وزود الوزن ماهوب يعني إعاقة..

صحيح بعض اللبس يعني اهانات..=
الوزن بالضيق عديم العلاقة..

بس ماهو ضروري يلبسن ستريتشات..=
يا زينهن واللبس وااااااسع نطاقه..

لابارك الله فيك يالضيق بالذات..=
ترا السعه مرات تعطي أناقه..

قالوا الرجيم اليوم هم البنيّات..=
قلت الرجيم أدري يبيله فرااغه..

وقالوا الرياضه قلت ماهن مريضات..=
للسكري لا ما معاهن بطاقة..

قابلهن الله بلا رجيم ورياضات..=
باهديلـهن مني من الورد باقة..

هن دفء هذا المجتمع هالرقيقات..=
هن مـلح هن سـكر لذيـــــذ مذاقه..

هن لا سألتوني عن الحب بسكات..=
بقـول إن فيهن على الحب طاقة..

مـاهو كلام اللي كتبته وإشاعات..=
أنـــــا اربطتني مع متينة علاقـة..

قصيده للشاعر حمد السعيد

[ابوحمد الشامري]

صح لسانك يا حبيب قصيدة رائعة واختيار جميل لا هنت يا السنافي.

ابوحمد الشامري

[حبيب]

ارررررررررررحب يابوحمد

لاهنت على المرور طال عمرك

تحياتي

[هند]

أبيات حلوة

يعطيك العافية ياحبيب


لك تقديري
السؤدد

[عيد بن شدقان]

حبيب
لاهنت
وصح السانك والسان الشاعر


اختياااااار رائع

[اخــو جــوزى]

احلى كلام حبيب

وصدق انك تعرف الزين من الشين

اخوك:: اخو جوزى

[حبيب]

السؤدد الله يعافيك تسلمين على الرد

تحياتي

[حبيب]

ذياب لاهنت على المرور يا الغالي

تحياتي

[حبيب]

اخو جوزي مرحبا والله

لاهنت على المرور تحياتي