السلام عليكم ورحمة الله وبركاته
قصيدة إلهي يا إلهي يا إلهي لشاعر / سعيد الحمالي
إلهـي يـا رفيـعٍ فـي علـوّه * بيـدك رزقنـا كثـره وشــوّه
بعثـت الرسـل فينـا بالامانـه * وعلي محمد نزل ختـم النبـوّه
عليـمٍ عالـمٍ كــل الخفـايـا * محيـطٍ بالعمـل خيـره وسـوّه
سمعت الي دعى في جوف حوته * ضعيفٍ كنت لـه نصـرٍ وقـوّه
وعلى موسى نزل نصرك مؤزر * بعصاه الي كلـت كـل العصـوّه
ونجّيت النبي في الغـار يومـه * يناظر للعدو مـن وسـط كـوّه
مع الصدّيق وأهل الكفـر تنظـر * وعلى عيون الكفر صارت غشوّه
إلهـي يـا إلهـي يـا إلـهـي * وحيدٍ وأعتزى وأنـت العـزوّه
وعبدك لا سأل منهـو يجيبـه ؟ * من الي يرحمه وقـت القسـوّه؟
ماغيرك يـا إلهـي قـد سألنـا * ولا غيـرك يغطيـنـا حـنـوّه
طلبتـك تنظـر لحالـي طلبتـك * وتسمـح لـي إذا فيهـا جـروّه
تنزهنـي مـن أدران المعاصـي * وقلبـي طهّـره وإرفـع سمـوّه
وساعدني على ذكرك وشكـرك * وجنبنـي مـن دروب الهفـوّه
ولا بأشكي على غيـرك إلهـي * مـن أيـامٍ دهتنـي بالجـفـوّه
إلهي من صروف الوقت شابـت * عوارض لحيتـي والعمـر تـوّه
مضى عمري وأنا للناس غافـل * وراح الوقت كأنـي فـي غفـوّه
أشوف الناس قاصيهـا ودانـي * قليـلٍ حافـظٍ عهـد الأخــوّه
كثير الناس ما يحفـظ عهـوده * تردوا فـي القصيـر وفالعنـوّه
رجـال تستمـع لأم التـراكـي * وغايتهـم فقـط تبـع النسـوّه
كبـار جـروم لكنهـا تفـشـل * ألا وين الرجال أهـل المـروّه؟
وحتى قولة" أرحب" أو "هلا بك" * تناسوها وصارت بس :" قـوّه"
أفا لا رحم أبوهـا ذا الحضـاره * إذا فيها الرجـل ماشـب ضـوّه
وأنا عفت المجالـس والمحافـل * بعد ضمت مـن أشكـال الدنـوّه
تشوف الرجل يعجبـك بكلامـه * خطيـب عالـمٍ واعـيٍ مفـوّه
وهو ساس الردى وأصل الرخامه * وكلن يجذبـه ماضـي الربـوّه
ورجـلٍ دايـمٍ يرغـي ويزبـد * فلا يخدعـك لـو شكلـه فتـوّه
تلحق عـرض نـاس وإقتفاهـم * يعيب الناس وأصل العيب هـوّه
ورجـلٍ ذاق زادي فـي محلـي * وبعـد الـود يجزينـي شنـوّه
وهو يدري وأنا أدري لو نصاني * بأهلي به وعنـدي لـه حفـوّه
ولا يجـزي الحسانـي بالرديـه * سوى الجاحد او الي فيـه غـوّه
وسيفٍ تعجبـك سلـت شباتـه * بوقت الحرب ماله مـن سطـوّه
حسافة شيلتك لـه فـوق متنـك * ولو تقنيـه مـا يسـوى قنـوّه
وأنا كسبي على العليـا * وكدر خاطـري وأزعـج هـدوّه
سوى الي من بعد عهدي وعهده * ولو قلت أبتعد مأقـوى الجلـوّه
هجوسٍ لي من البـارح تـرزم * بصدري والعـرب كلـن بجـوّه
ولو إنها قزتنـي مـن منامـي * ولكنـي لقيـت بـهـا سـلـوّه
نواني القـاف مـا والله نويتـه * وقلـت أسجلـه والليـل تــوّه
وختـم القـول ياربـي سألتـك * شفاعة من بعـث ختـم النبـوّه
وطلبتك تنظـر لحالـي طلبتـك * وتغفر ما مضـي كثـره وشـوّه
23-11-2004, 08:03 AM
العرض العادي
