ابي حبك وابي قربك وابي (لبيــه) يا لبــآكـ،،

[آعآتبـڪ بآبتسآمـہ]

السلام عليكم ورحمة الله وبركاته
مسآكم//صبآحكم
اي شي تحبــونه
هذي قصيده نالت ذائقتي واتمنى ان تنال رضاكم..

غريبه يامعاندنـي , تجـي واتقـول جـاك امـنـاك
تجـي يوميـن ثـم تبعـد , وقصـدك بـس تذبحنـي







غريبـه كـل هالعالـم , تلفّـه لــف فــي يمـنـاك
ولا لك بيـن كـل النـاس , غيـري وانـت خابرنـي






تعوّذ من بليـس وهـاك , دام القلـب , راضـي هـاك
( حبيب ) القلب واسكن ( نبضه ) , واحتـل واشربنـي

أنـا والله لـولا الله , وخوفـه قلـت لجـل ارضــاك

وحبّـك جيـت فـي الدنيـا , ومِـنـك الله خالقـنـي

أنا يجتاحني رجفه , لو اسمـع بـس , وقـع اخطـاك
اجل وش عاد لـو شفتـك ؟؟ , حشـا , والله تموتنـي




أنا لو سلهمت عينك , بعينـي , قلـت لـك ( نفـداك )
أنـا داخــل بـوجـه الله , ووجـهـك لا تضيّعـنـي

انا من وين ماوجهـت وجهـي , فـي الوجيـه ألقـاك




أحـس انـك تبعثرنـي , ولا ادري كيـف تجمعـنـي

أجي لك شرق يسرقنـي , جنوبـك , وانسحـب منّـاك
وأجي لك غرب يسرقنـي , غروبـك وانـت تشرقنـي

احس انّـك معـي دايـم , واتـوه بعالمـك واحيـاك ]




وافوق احيان واتسائـل , لـك الله كيـف سخّرنـي ؟؟




تفاخر ( لعنبوا غيرك ) , ترى غيـرك , يمـوت اهنـاك
وربـي ينتظـر كلمـه , وأصــد وهــو يكلمـنـي










ومادام الله عطا لـك شـي , فاشكـر واغتنـم ماجـاك




ومـادام اتشوفنـي ساكـن , نصيـحـه لاتحرّكـنـي







أنا لو قلت لك بانسـى , ورب البيـت , صـدق انسـاك

لذا : , لـو شفتنـي بانسـى , فانـا طالبـك تمنعنـي

واذا قـررت تمنعنـي , وشفـت ان القـرار أعـيـاك
مـا بيـك اتقـول وش تبغـى , تـرى والله تضايقنـي

انا أبغى ؟؟ , قول وش ما ابغى !!, على بعضك كذا أبغاك
ولعيـونـك , باخرّبـهـا , واذا مجـنـون قـيّـدنـي




أبيه ايصير فـي عينـي , منامـك والرمـوش اغطـاك
وأبيه ايصير فـي عينـك , منامـي وانـت تسهرنـي




أبي حبّـك , وأبـي قربـك , وأبـي ( لبّيـه ) يالبّـاك
أبي ضمّك , وأبي شمّك , وأبـي لـو طلـت تجرحنـي

أبيـك ان قالـوا الشاعـر , تقـوم اتـفـز دون ادراك




أبيك اتحس بـي دايـم , أنـا اقصـد وانـت تسمعنـي ,

وقـل مجنـون لا يسمـع , ولا يفقـه , وانـا اتحـدّاك
ايلا منّي نويت انسـى , باشـوف اشلـون تنسآإآني

مما رااااق ..





كل الووود

[بـوح القصيـد]

صح السان شاعرها ولاهنت ع النقل
واهنيـك ع الذوق الرائع
تقبل مروري
بـوح القصيـد

[*ابوخالد*]

صح لسانك ولسان شاعرها
ولاهنتي على النقل الرائع

[آعآتبـڪ بآبتسآمـہ]

المشاركة الأصلية كتبت بواسطة بـوح القصيـد

صح السان شاعرها ولاهنت ع النقل
واهنيـك ع الذوق الرائع
تقبل مروري
بـوح القصيـد

يسلموو على المرور

العطر

تحياتي لشخصك الكريم

[آعآتبـڪ بآبتسآمـہ]

المشاركة الأصلية كتبت بواسطة *ابوخالد*

صح لسانك ولسان شاعرها
ولاهنتي على النقل الرائع

صح بدنك

ولاهنت على المرور العطر

لاخلا ولا عدم