...وشلون نقبل عيشة الذل حنا...

[شمريه]

السلام عليكم ورحمة الله وبركاته


لم أتمكن من معرفة صااحب القصييده بس هو من الثابت من سنجار....





تعذرتنا الدار وأيضا أهل الدار = واليوم عزمنا الرحيل لوطنا
يلعن ابو دار بها الذيب ينهار = ولا الحصيني نالبه ماتمنا
حنا خلقنا الله صناديد وأحرار = وشلون نقبل عيشة الذل حنا
لا والذي عالم خفيات الاسرار = من عاش بالذل ما حسبناه منا
حنا صحيح بكل ديره لنا دار = لاشك زومات الطنايا دعنا
ماكل دارِ به مواكر للاحرار = والوقت الاقشر حدنا وامتحنا
يم ديرةِ ذقنا بها كل الامرار = ياما تصبرنا وياما حملنا
لاشك رغم اللي على حالنا صار = نبقى نزوم ابعزنا يم وطنا
حنا هل النخوه وحنا هل الجار = ومن صكته ميلات بقعا زبنا
حنا هل التاريخ وايضا هل الكار = يشهد لنا بالمجد ماضي زمنا
كم واحد من ضربنا للحد زار = وكم واحد في نومته ما تهنا
تهابنا من فعلنا كل الاقطار = واكبر دليل ان الدول شردنا
من صارت الدنيا والايام تندار = ذيب وغنم ما تجتمع في زمنا
قلته وانا حر من احرار سنجار = وربعي هل الجدعا الياسئل عنا
ثوابت ياللي بنا جاهلِ غار = عند الثريا والكواكب سكنا






تحيااتي للجمييييع










أختكم













((الـــــشـــــــمــــريــــــه))

[أبو الوليد]

لا والذي عالم خفيات الاسرار = من عاش بالذل ما حسبناه منا

صح لسانك يالشمريه

قصيدة فخر وعز جدا رائعه

[cool]

السلاااام عليكم ورحمة الله وبركااااته

صح لسااانش شمريه وصح لساان الشاااعر .

تسلمين على الاختياار المووفق .

الله يعطيش العاافيه.

كـووول

[bassam]

يعطيك العافيه على القصيده
وصح السان الشاعر : فاضل عواد الطهمازي الثابتي السنجاري الشمري

[العــــديم]

حنا هل النخوه وحنا هل الجار = ومن صكته ميلات بقعا زبنا
حنا هل التاريخ وايضا هل الكار = يشهد لنا بالمجد ماضي زمنا
كم واحد من ضربنا للحد زار = وكم واحد في نومته ما تهنا
تهابنا من فعلنا كل الاقطار = واكبر دليل ان الدول شردنا

وسبعين نعم بشمر ..
صح لسان الشاعر / فاضل عواد الطهمازي الثابتي السنجاري الشمري

ولاهنتي ع النقل