رديــة الــعــمالقه : ســـالـــم بـــن جـــخــيــر / ضــيدان بــن قضعان new

[لــهــذام]

بسم الله الرحمن الرحيم




:

إلى أعضاء المنتدى العزيز هذي رديه بين هرم الشعر النبطي ضيدان بن قضعان

ووكيل الجزاله ســالم بــن جخير .

والبدايه كانت عند وكيل الجزاله



ويقول سالم بن جخير


ياضيدان بن قضعان لاتشتكي للغير


أنا محزمك وأخــوك ياخوي واحزامي


تراكا علي وأشيل حملك وأنا ابن جخيــر


لو القبر خلفي والمقاديـر قدامي


أوقف وقوف كليب وألا وقـــوف الزيـر


وقوف الســمو لاواجه الموقف السامــي


اعويضي وتندبني ابيوت الشرف وأغير


والا من ضربت أصيب بالمخلب الدامي


علوم المراجــل ورث ماجاتنا تصديــر


نشبع بها الجايع ونروي بها الضامي


خذ اعلوم من يكرم عن الكــذب والتزوير


عليها من اشهود الوفا بصمة ابهامي



:

:



وهذا رد الـــشــاعر الــكــبير : ضيدان بقضعان .








كفــــــــــو ياحزامي والمحازم بها قصدير


لـــكن أنت من فولاذ يامحزم اليامي


وأنا أبشرك لو جار وقتي علي في خــير


وأشب الضوي في حلتي .. وأركز أعلامي


ولامن بغيت الهرج ماخانني التعبير


أورد حججها مثل مايارد الضامي


وليا من بغيت الشعر قسمي سنام بعير


ولاتنطوي صحفي ولاتنشف أقلامي


وسود الليالي خذت من ثلثها الأخير


سجود يوردني على بيض الأيامي


ومادامك ابنا خي لآل سيده وابيك جخير


علي الحرام ان أعتزي وأكرب حزامي




وهنا لنا وقفه لهذين العملاقين صح الله السانكم والله لايشين ذا الوجيه شعار في معنى الكلمه ..

[ليت العرب مثلي]

تسلم على نقلها ولا هنت

[راعي الشاص]

تراكا علي وأشيل حملك وأنا ابن جخيــر


لو القبر خلفي والمقاديـر قدامي

كفــو والله ... ابدااااع نتج من اجتماع ذا العمالقه ...
صح السانهم على القصيد الجزل اللي مهوب غريبن منهم ..
لاهنت على النقل يالغالي ...