وحصلي قصةٍ تبكي الغرير وتغبن الرجـال
حرام انها سنـه وانهـا تصبحنـي تمسينـي
مع ذيك الخجول اللي ادلعها دلـع اطفـال
اربيها وادلعهـا وهـي داخـل شرايينـي
اسمي واذكر الرحمن يحميها حسـد انـذال
واخاف الناس تجرحها وهي تستاهل الزينـي
اعلمها وافطنها وهي تسمع بوسعـة بـال
واشوف ان الادب منها وهي بالحب تغلينـي
اناديها تلبي لـي عسانـي معدمـه لا قـال
فدية عيونك ان كانك بدون الناس مغنينـي
تعاهدنا على الحب العفيف وغاية الاجيـال
وبنينا بالغـرام اكبـر صـروحٍ للمحبينـي
والا ياكبر حظه يوم زفوها وهـو الخيّـال
خذاله مهرةٍ تسحب رسنهـا فـي ميادينـي
خذاها والقدر قاسي وصارت كنها الامـال
سحابة صيف مرتبي وعيـا الغيـم يسقينـي
ياكيف وليه راح الحب كنه نثرت الفنجـال
اشب النـار والدلـه تفـوح ولا تقهوينـي
عسا درب المحبه ينقطع من ماطـر وهمـال
ومصير الحي يتلاقى مع من كـان حيينـي
وفمان الله ودعتك بصمت ولا ابيه اجـدال
مادام ان الغرام الجرح والفرقـا سكاكينـي
الله الله الله الله
ابدااااااااااااااااااااااع لاخر كل حرف احلى من الثاااني
كل الشكر وميه الف شكر على ذا القصيده
تقبلي