بسم الله الرحمن الرحيم حبيت اشاركم بالموضوع الي عندي وهو عباره عم قصه وقصيده وارجو ان تنال اعجابكم كان فيه شاعر من الشعرااا مسيرله علي عرب وكان وقت عيد وكانو في السابق العيد له طعم ولذه مهوب وقتنا الحين يمر العيد ماتدري عنه المهم ماطول عليكم الشاعر هذا شاف الحريم يرقصون الين معهم وحدتن مزيونه بينهم ترقص وهي ماكله الجو عليهم المهم قال لعنبوها ليتها في بيتها ماشفناها قالها يحسب محد سمع كلامه الين فيه راعي قاعد عندهم الراعي هذا يشتغل عند اهل البنت الراعي راح نقل الكلام لهل البنت جا ثاني يوم وتواجه البنت وامها الشاعر نفسه سلم عليهم ماردوا السلام قال ليه ماتردون السلام قالوا نرد السلام عليك ونت ساب بنتنا امس وعرف الشاعر انه توهق مع البنت قال انتوا فهمتوني غلط لاكن اسمعوا
هلا هلا يام العيون المظله =الي بعيني مالهنه حلايا
فيهم تقول طراد خيلن وسله = اما هل الردات ولااطنايا
ماشفتها الا ساعتن مستقله =يوم العياد ويوم ذبح الضحايا
في الماقف الي شافها النجع كله =تلعب نهار العيد بين الصبايا
ومافيش عذروب ماينقال في كل مله=وعذروب اهلش يعدلون السرايا
اليا حذفوا عن المهار الاجله =اليا اقبلت ذوليك وذوليك قفايا
ورداتهم تشفي القلوب المغله=من غير حقران لباقي النحايا
يابنت من ينطح الوجيه المهله زيزوم عيرات ومقدم سبايا
انا ماسب الناس طبعي جبله =لو كان اشوف الناس تمشي عرايا
الاليا جا شاعرن فيه خله =مظيعن دربه وعنده نوايا
اعطيه علمن الين انه دربه يدله =اعطيه علمن بالي يسوق المطايا
وسلامتكم وصح لسان قايلها وهو الشاعر المعروف محمد خلف الخس المطيري
ونتمني حازت علي رضاكم