[سلاطين الشياطين]

في موضوع شاغل بالي .. الاحظه بكثره هالأيام .. وقلت خلني أطرحه هنا بالمنتدى .. نفيد بعض أكثر ونعرف أيش الأسباب له وطريقة علاجها ..

الموضوع يتكلم عن اللهجات .. ما شاء الله السعوديه كبيره والخليج كبير
ولكل منطقه فيها ناس ولهم عادات وتقاليد ولهجه تختلف عن المنطقه الثانيه

لاحظت وبكثره هالأيام .. أشوف ناس تتكلم بلهجه تعودت عليها منه
ولا راحت لغيرك تكلمت معاه بلهجه مختلفه تماماً
وممكن تكون اللهجة بالموقف الثاني هي لهجته الحقيقه

يعني مثلا قبل فتره كنت اعرف واحد وعلاقتي معه ثلاث سنين .. وانصدمت بيوم لما اتصلت عليه والدته وكلمها بلهجه غير عن اللهجه الي كان يكلمني ويكلم غيري فيها ..!!!

موقف آخر .. معي شخص في الدوام يتكلم معانا بلهجه حنا عرفناها وتعودنا عليه فيها .. وفجأة يتصل فيه أحد من اعيال عمه وتقلب لهجته على طول .. وتميل من اللهجة الحضرية إلى اللهجة البدويه ..!!!

ومواقف كثيره شفتها بهالموضوع وقلت خلني اطرحها في منتدانا لجل اشوف وجهة نظركم بهالموضوع .. ياليت نتكلم بصراحه .. انا شفت بشر لهم هالأطباع .. والي بالمنتدى بشر .. بإختصار مفيد .. أنت ممكن تكون أحد هالفئه الي تغير لهجتها اعتمادا على لهجة الشخص الي تتحاور معه أو على الموجودين بالمكان

ياليت ما أحد يقول لي أن الشخص يغير لهجته لجل يفهمه الي يتكلم معه .. لأن هالكلام كله كان واضح .. المسألة مهو بس مسئلة كلمات غريبه تنقال .. بس المسألة مسألة أسلوبك بالحوار .. اسلوب مايل للهجه البحرينيه او البدويه على (سبيل المثال) ..

ياليت أني قدرت أوصل لكم هالفكره .. وياليت أني اشوف وجهة نظركم وبإختصار شديد .. هذه بعض الاسئله ياليت القى لها جوابك ..

هل أنت من هذة الفئه ..؟
في أعتقادك الشخصي .. لم تقوم هذه الفئة بتغيير لهجتها أو اسلوبها بالكلام اعتمادا على الشخص المتحاور او الموجودين في مكان الحوار ..؟
ماهو أول شئ سوف تقوله عن الشخص الذي تسمعه يغير لهجته او اسلوب كلامه فجأة ..؟
إن كانت هذه الظاهرة عيب في نظرك .. ماذا تقترح لعلاجها ..؟