**
**
**
لا يبعد منهو وضع فوق خدة =مكياج غال السعر من سوق باريس
بنت لكل النايفات استمدة =اهله تفك المعضلة واللواليس
يفداه كل اللي سكن وسط جدة =لايبعد رولا ورندة معه ميس
عليه صبري واصلا فوق حدة =واصبحت من حبه كثير الوساويس
احترت مابين الجفاء والمودة =وابكيه مثل دمع ليلى على قيس
عفت الفراش وعفت لين المخدة =وقامت تومي بي هبوب النسانيس
عجزت اميز هزل حكيك وجده =واذا بغيته كن دونه متاريس
ياليت يعلن لي قراره بصده =على الاقل نئس وننسى الهواجيس
لكن يواعدني بوصله ومده =واحيان يعاهدني ببيض القراطيس