هذه قصيده للشاعر المعروف ناصر نفل العجمي
ياتـل قلبـي تـل هجـنٍ مراويـح=اهل الهجن عجلين والهجن عجلـه
متغانمين الكيف مـع هبّـة الريـح=في دلةٍ صفرا وماهـا مـا هجلـه
علـى غـزالٍ شوفتـه دوم تلميـح=ماكنّها تاطـا علـى القـاع رجلـه
الله يفكـه مـن عيـون المشافيـح=روحه خطيره كان مالله فـرج لـه
ياعـود مـوزٍ عدّلـوه الفلالـيـح=يلعب به الغربي على نهـر دجلـه
والعين عين اللي يشوف الملاويـح=اشقر سبوقـه غاطسـات بحجلـه
الله يثبتنـي علـى الارض لاطيـح=اليا خزرني بالعيون وهـي خجلـه
من ذاق من حب العـذارا قراطيـح=وش عاد لون الهوى قـرب اجلـه
والحب من عصر الرجال الطحاطيح=كم عاشقٍ حزنه وموته مـن اجلـه
صقر النصافي والعطاوي شليويـح=كلٍ طوى صفحة غرامـه وسجلـه
وسلامكتم : للشاعر ناصر بن نفل