صورة عديل الـروح عنـدك فالعيـون=واخاف تقطعهـا بموسـك مـا وعيـت
ولا عليك امر..اطوهـا تحـت الجفـون=وعقبه لو تقطـع عيونـي مـا شكيـت
هي راس مالي والعـرب مـا يدركـون=اني على بـاب الممـات و مـا حكيـت
ياقـو قلبـي يـوم قـفـن الضـعـون=اللـي علـى ذاك المـوادع مـا بكيـت
ويا صبر صبـري والعـواذل يحسبـون=اني دلهـت مـن الهـوى والا سليـت .!
اسكت عساهم مـن سكاتـي يسكتـون=وانا عن اللي في ضميري مـا انتهيـت
وادور الفرحـه مـع اللـي يسهـرون=وان ذكرونـي (خـذت فنجـال وسريـت).!!
الله الله الله عليك يابن فطيس 
عزالله انها قصيدة ٍ حلوه ,,
يعجبني استرسال محمد ابن حمد في قصايده وطريقة سرده للمواقف ,, وإستخدام الكلمه والمعنى الجميل ,,
من بداية دكتور العيون والأحداث اللي كلها مرتبطه بالعين وختمها مثل بدايتها بتأمين الدكتور على ماشاف
لله درّه .. والله يوفقه فالبرنامج واتمنى له الفوز
الأخ الغالي / ,, كحيــــــلان ,,
يسلم راسك على الذوووق الراقي والأختيارات الجميله
وصح لسانك ولسان أبن فطيس ولاتحرمنا من إختياراتك
ولاهنت على النقل الموفق والأكثر من رائع ,,
مخرج :
واستر علي واللـي معـك لا يفطنـون=انت الوحيـد اللـي بعـد ربـي دريـت