[عيد بن شدقان]

على مركب غرامي قمـت أغنـيّ والقصيـد بحـور = نفضت شـراع صـدري والهـوى مـا فضّهـا سيـره

أشيـل المحبـره واللـي عطانـي ريـشـة العصـفـور = نـزع صمتـي وخلانـي مــع الصـبـح وعصافـيـره

يـا بنـت النـاس قلبـي فـي مـدار الحـب جالـه دور = تعـب نبضـه علـى دربـك بـعـد طـالـت مشـاويـره

مسـجـلّ لــك شـهـادة حــق ماسـجّـل شـهــادة زور = خــذا مــن دقـتـه رايــه وسـجّــل عـنــك تـقـريـره

ولو يصبح شعوري لك على صفق الهـوى منثـور = جمعـتـيـه بـحـذافـيـره .. وأخـذتـيــه بـحـذافـيـره !

عسى قلبك مثـل قلبـي مـن أونـاس العنـاء ماجـور = بعـد صرنـا مــن أعــلام الـغـرام ومــن مشاهـيـره

وأنـا مـدري علـيّ قصـور وإلاّ مـا عـلـيّ قـصـور = لـكـنّ الـحـب هـــاذي معطـيـاتـه لا كـثــر خـيــره

يـفـك الـبـاب للأحـبـاب ويـرمـي فالـظـلام الـنـور = تعـبـنـا مـــن خـطـايـاه ونشـبـنـا فــــي مـعـاذيــره

تواضعنـا علـشـان الـغـلا .. مـيـر الـغـلا مـغـرور = كـبـر وأستكـبـر .. وبـيـنـي وبـيـنـك زاد تـقـديـره

تـذكّـرت الـكـلام الـلـي تقولـيـنـه بـــدون شـعــور = ونسيت أني حبيـب ٍ مـا سكـن فـي مهجتـك غيـره

أجيك وخاطري يضحك وأروح وخاطري مكسور = وأنـا صبـري مثـل صبـره علـى كسـره وتجبـيـره

أحـبـك والمـحـبّـه مـــا تـمــوت وبيـتـهـا مـعـمـور = تـزيـد وكــل مـــا زادت ظـهــر لـلـحـب تـبـريـره

عـلاقـتـنـا ربـيـعـيّـه وقــــاع ٍ شـالـهــا مـمــطــور = لاشــكّ الـحـبّ مــا يـرحـم لـيـا هـبّـت معاصـيـره

ألا يا طول شرحـي ميـر جرحـي مـا يبـي دكتـور = تـداويـه الـمــودّه مـــن عـــذاب الـشــك والـغـيـره
لـــــ ســـــداح