السلام عليكم
انقل لكم اليوم قصيده رائعه لشاعر جزل تميّز بكتابة القصائد
الصعبه من مفردات وقافيه وبحر ومعاا هذا ابدع بهاا
واترككم تستمتعون بقرائة القصيده
.
.
.
.
ياليتني عقب ماضفتك عطيتك حظر=أو ليت عِرفي معك بحدود ماسنجركْ!!
،
ماكان شفت التّهايم والطّعون الخضر=منّك..ولوكنت دايم تعتذر وأعذركْ
،
لك صاحبٍ لاطلب فزعة قصيده حضر=ياما فعل بالشّعر لجلك وياما تركْ
،
فيك إعتزاز إبدويّ وفيك طيبة حضر=مرات ياطيبك/ومرات يامقشركْ!!
،
صوتك عذاب الأِذن/شوفك عذاب النّظر=لبّيه ياصوتك/ولبّيه يامنظركْ
،
بعطيك قلبٍ مسالم..ينفع ولايضر=تامر وتنهاه ويلبّيلك أوامركْ
،
إمن أولٍ مدْهر وجيته وصار آخضر=فاضت عروقه وسالت يوم هلّ إمطركْ
،
لاغبت ياشينك/ولاجيت (كلّك نظر)=خلّ المواصل يصير..(العامل المُشتركْ)
،
إسمع وصاتي وأنا قبل الممات أحتضر=بوصيك وأطلبْك طلبه دامني خابركْ
،
أبنتظر شوفتك..لوطوَّلتْ..بنتظر=وإن متّ وزّعني(إبقلبك وموق إنظركْ)
،
،
،
للمبدع/فهيد بن عصيدان،،،