السلام عليكم
قصيده للشاعر ضيدان بن قضعان
اتمنى تنال اعجابكم
يقول ضيدان بن منصور اخو صبره=في راس مطلول والريعان محروسه
متهيضٍ من ضحى وتغصه العبره=ويردها من ورى الحنجور منكوسه
والعصر شرف وكيسره ماكمل جبره=وامسى كسير الجباره غاديٍ حوسه
حاديه صوتٍ لبن عمٍ نفا صبره=يلعب به الريح من غربه اليا كوسه
قرم على شبر غيره زايدٍ شبره=لكن هوى البيض يمكن كنه السوسه
يبن حويله محمد والهوى عبره=ومن لااعتبر من ابهامه مكّن ضروسه
وراعي الهوى لو تقول الناس ياكبره=يصغر اليا اشفق على الميقاف والبوسه
وكن ناصحينه يسوقونه على قبره=ومسامعه عن كلام النصح منفوسه
يبن حويله تراني من هل الخبره=برسم لك الخط والاوضاع مدروسه
وان طعت ضيدان بن منصور اخو صبره=ان ماخذلك الهوى ماخذت ناموسه