[Malotaibi]

ابو زيد أكيد بدافع عن سعدون نفس ما أنت تدافع عن ربعك

سعدون أول شي تقول يخلص العلاج بالخارج بايام والعدوه بشهور هههههه حلوه هذي روح ود كتاب للعدوه شوف متى يخلصها لك لا نضحك على بعض ومع ذلك الحكومه ما تبيه هذي صارت نفس اللي يكذب كذبه ويصدقها لي متى تضحكون على العالم انه معارضه ، الناس فهمت خلاص من 92 ما سوا شي للحكومه متى يسوي السنه هذي يعني توه يعرف .

وإذا على قولتك ربعك عندهم خير ونعمة ترا حتى سعدون عنده خير ونعمه والا حلال على ربعك وحرام على غيركم ..

بس كل انتخابات لكم سالفه عن سعدون ما يجوز اطلاق الاشاعات عندك دليل هاته خلنا نشوفه وانا اول من يحرمه من صوته بس ورنا الدليل لقوله الله تعالى ((إن بعض الظن إثم)) صدق الله العظيم

يعني حلال عليكم تحطون اعلانات وحرام على غيركم لا تضحكون على نفسكم ليش محد قال الشرفان وبرغش من وين لهم فلوس اللي صورهم مغطيه الشمس عن الرقه وهديه !!!!

قايلكم اللي بيته من زجاج ما يحذف الناس بالحجر