سلامتك من كل حزني وشكواي=اختر وهمأ مايناسبك خله
انت اكثر العالم عذرته بدنياي=لاملني كذبه ولا الحال مله
من كثر ماتخطي كبر عندك رضاي=راضي ولك فاليوم تسعين زله
اخترت لي دربي وعذري ومسراي=ولاحدأ على ماقيل دربه يدله
لو هو صحيح ان كان ماتاهت خطاي=عن واحدأ ماظلني غير ظله
ولو هو صحيح ان كان ماصرت مرساي=عن واحدأ دايم حجاجه يفله
ماعاد تفرق ضحكتي وانت بلواي=في عرقي اللي كل يومأ تقله
لكن باقي شي في عمري الجاي=عنه اسألك والعمر يفداك كله
هو فيه احد غيرك عشقته من اقصاي=كانك لقيته لو تكرمت قله
بالله قله في غيابك وش الراي=اخذت قلبي وانت جيت بمحله
للشاعر / هلال المطيري
واتمنى ان تنال اعجابكم