[ذهب]

السلام عليكم ورحمة الله وبركاته..

أول شي..وحشتوووني مووت كلكم.

ثاني شي… باركولي هذا من زمان ماكتبت مواضيع ..

ثالث شي…هالموضوع هذا صدقووني ماحطيته إلا لأن لمست منكم
تعاطف ومناقشه جاده حق الأعضاء اللي يعانون من مشاكل إجتماعيه..إلخ

وشفت إنكم تساعدونه بقد ماتقدرون طبعا من خلال نصايحكم الحلوه مثلكم
مثل موضوع أبوفهد العجمي ومشكلته مع زوجته الأولى…ولما شفت تفاعلكم
مع موضوعه والنصايح اللي كتبتوها قلت أكيد إنكم ماراح تخذلوني ان شا الله
وبتساعدوني……..

مشكلتي إللي انا أعاني منها طبعا أغلبيتكم عنده خبر إني في آخر سنه لي
بالثانويه العامه وطبعا نسميها السنه المصيريه اللي بناءن عليها راح يتحدد
مستقبلي ..الحمدلله انا شاطره وأحب أدرس وأستااانس اذا جبت درجاات مرتفعه
يعني بالبيت كل شي اوكي ادرس واسكر على نفسي الغرفه
وأهلي نفس الشي يوفرون لي الجو الملائم للدراسه

بس مشكلتي تكمن داخل المدرسه البنات اللي معاي مومخليني أركز بدرااستي

حاولت بشتى الطرق أتجنبهم بس ماقدرت حتى إني قررت أنتقل من ثانويتي
إلى ثانويه ثانيه بس للأسف الإداره رفضت النقل بحجة إنها آخر سنه
وان الأسماء والأرقام جهزوها لإمتحانات الثانويه العامه

والله لو أقولكم شنو يسوون البنات ماراح تصدقوون
أول شي جنطتي كل ماارجع من البيت أطلع كتبي بدرس ألقى رسايل مادري
منو حاطها أهد كل شي وأقعد أقراها وانقهررر اللي كاتبه انتي مغروره

وانتي وانتي واللي كاتبه أحبج وعطيني وجه …واللي حاطه ورده حمرا
هذيلا اوكي اتجاهلهم بس الي يدخلون بنص الحصه والأبله قاعده تشرح
تدخل بكل جرأه وانا مااعرفها تطلب من الأبله انها تكلمني شوي خارج الفصل
وانا طبعا ماعندي أي معرفه سابقه فيها …هني مخي يسكر وانتباهي يتشتت
واذا طلعت تعطيني رساله وتقول هاذي من فلانه
أظن إنكم عرفتوا مشكلتي واللي هي الإعجاب اللي منتشر بكل مدارس البنات
وتخيلوا صارت لي مشاكل معاهم بشكل ماتتصورون
بنت مجهوله راحت تكتب على الطوفه مالت الصف إسمي بخط كبير وشعر تحته
الأبله راحت علمت المديره المساعده وهني بدوا تحقيق
شلون وليش أكيد تعرفين اللي كتبتها وهذا صفج اكيد تشوفين
اللي يدخل واللي يطلع وطبعا بطلعة الروح طلعوني من هالمشكله
وإللي زاد الطين بله واللي مسبب لي غلق
إن ذاك اليوم إتصلت علي وحده كلمتها أمي وقالت انها تبيني
يوم جيت سلمت البنت وخلصت انا استنكرت صوتها
قلت هاذي مو من خوياتي اللي اعرفهم قلت لها منو معاي
قالت انا وحده ماتعرفيني قلت لها شلون خذيتي رقمي
قالت من مصادري الخاصه قمت وسكرتها بوجهها رجعت اتصلت على طول
قلت لها نعم خير ان شا الله اشتبين انتي بالضبط
قالت انا مابي صداقه عاديه بيني وبينج أبي حب !!
انا هني انصدمت وتنرفزت وكان علي ثاني يوم امتحان مادرسته
من كثر ماافكر مادري هل أقول لأمي تروح للإخصائيه؟؟
او اسكت واتم افكر بكل شي؟؟ والله حيراااااانه وابيكم تساعدووني