لاصار خالي بفعل الطيب سابقني=وابوي قبله موصيني على الطاله
يقول جود طريق الجود والحقني=ماطيع فالطيب عذاله وقواله
وش لون اعشق الردا والطيب عاشقني=حتيش لو قيل خبلن ضيع امواله
ذي دبرة اللي مدبرني وخالقني= ماهوب جيبي لجمع المال حصاله
الفقر لو مسني ماهوب يرهقني=اصبر على ماجرى لو شانت الحاله
لو كان دنياي بالكفين تصفقني=رجاي بلي يجازي العبد بعماله
واللي خلقني هو ابخصبي ويرزقني=وان كان ابوريال يشري الناس برياله
يلقى خدينه وانا جعله يفارقني=لاصرت ماثبت الا كبرت القاله
وش خانته شاربي الا ماحمى دقني=هذي خلاصة كلامي واجمل رساله
يطربها اللي على قولي يوافقني=واللي يبيها يسجلها بجواله