ياوارد النيسان افرق مع هيت= الدرب قدمك والمسمى نخيته
ماهيب لحية بيت يكتب ورى بيت=ديوان شعر ومدح بلي نصيته
ابوفهد بحر الندى ذايع الصيت= لاصك بيبانه ولاصك بيته
نذرن علي مهما كتبت وتماديت=الشعر يقصر لاذكرت وطريته
هداج تيماء لاتهنى تهنيت=اموت واحيا ماجفيت ونسيته
يابوفهد فوق الثريا تعليت=ياكم محتاجن نخاك وعطيته
مثل البحر تعطي ولاذكر ترديت=تعطي كفوفك ماملكت وخذيته
الفقر لو مسك ضحكت وتناسيت=ماكن له طعنات غدر ومميته
ما اخطيت من صغرك على الجار ماخطيت=ماكن لك ياشيخ ذنبن جنيته
وفيت ماقصرت واخلصت ووفيت=بعت الرخامه والقريب احتميته
سموك بحر الجود انت وتسمويت=عسى السعد في دربك اللي مشيته
ابوك نايف لاتعزوى تعزويت= وخالك ابو شقره دعاك ودعيته
ماخطيت في مدحك من الشعر ماخطيت=الشعر لك ينساق مهما نهيته
وقفت لك في موقفن ماتعديت=ان ماحكوه الناس غصبن حكيته
تشهد دلالك ماجفيت وتخليت=والعود الازرق بالدراهم شريته
ماقفيت مثل الغير ياشيخ واقفيت=عمار ياقصرن بعزمك بنيته
اسمك هديب الشام لاما توانيت=اللي اشوفه يالقصايد رويته
اما تقاضا ياقصيدي تقاضيت= فديت راسه ياقصيدي فديته