السلام عليكم
هذه قصيد للشاعر:حمد الفطيس
وارجو ان تحوز اعجابكم ورضاكم
الحيـاة سلـوم والدنيـا بقـيـس = والرجال اصناف كـلٍ لـه مقـاس
ومن فياض القلب يالـدر النفيـس = سطر احساسي من الخمس الحواس
وارسله يم الوفـي حمـد فطيـس = وافـي الاشبـار وبعيـد المـراس
خبره عن قصـة الدمـع الحبيـس = فالعيون اللـي تغشاهـا العمـاس
لاسقـاك الله ياعصـر الخمـيـس = لحظـة الفرقـا تثيـر الالتمـاس
من سعى في تفرقة ليلـى وقيـس = واصبح الواقع على هـذا الاسـاس
وبانت الفرحة على وجه العريـس = ولايقـارن راسـه بمليـون راس
واحتضار الدمع لاحمـي الوطيـس = والله انه ياحمد عن 1000 بـاس
المفارق سيـف والهجـران فيـس = والهموم بحـور والخفـاق كـاس
والشقا ميدان والهاجـوس عيـس = والطواري تسقي الهـم الحمـاس
لو بغيت اشبر مسافااتـه واقيـس = يعترضني بحر مـن دون اليبـاس
ولوهو بكيفك تخيـر لـك ونيـس = مايصير الحـس قيـد الاحتبـاس
ولو نفتش فالبضايع كيس ..كيس = مافرقنا بين نـاس وبيـن نـاس
يعرف الرجال من طبـع الجليـس = والمرض لاعاود يسمـى انتكـاس
والبشر لو شكلهـا واحـد فليـس = يخفي الجوهر عن العيـن اللبـاس
والخبر مابين مـرؤوس ورئيـس = والرجال اصناف كـلٍ لـه مقـاس