ابيلي مهرة(ن) ما عسفت صغيره وبنت حصـان
ابوهـا اللـي يفـك المشكلـه ويزبـن الجانـي
واخوهـا لا تعـزوا باسمهـا فزولـه العربـان
يحق اله الفخـر فـي قولـة ال فـلان جدانـي
ابيها في بحر عشريـن لا زود(ن) ولا نقصـان
وابيها اقصر طويله والوصوف اشكال والوانـي
ابي الجبهه كما الصبح وكما القوس اسود الحجان
وابيهـا ناعسـات ونرجسيـه سـود الاعيانـي
ابي رمش كما ريش(ن) يغطي الثلـج فالاوجـان
وابي جفنن يشيل الرمـش طربانـن وكسلانـي
ابي خدن كما وردن تنمـا فـي طـرف بستـان
وابي خشمن صغير ومثل حد السيـف شامانـي
ابي البسمه كما البرق وثناياهـا كمـا المرجـان
وشفاهـا جمرتيـن وفمهـا خـاتـم سليمـانـي
ابي شعرن مثل ذيل الفـرس لا طبـت الميـدان
او الشـلال لامـن بـات ليلـه بيـن الامتانـي
ابي جيدن سـوات بريـق فضـه ناتقـن مليـان
وصـدرن كنـه مرايـه عليهـا طلـع رمانـي
ابي ظهرن كما الجدول وقدن مثل غصن البـان
وخصرن مثل مجدول العنـان وجسـم رويانـي
ابيها نابيـة ردفـن وبطنـن ضامـرن جوعـان
ابيهـا مدمجـة سـاق وقدمهـا لسـان ثعبانـي
ابيها بنت عـزن مـن رغدهـا ينعـم الفستـان
ابي الرقه وابي الدقـه لهـا باطرافهـا شانـي
ابي المشيه كما اللي طالع من المعركـه كسبـان
وابيها ترش مـع خطواتهـا مسكـن وريحانـي
ابي صوتن الا مني سمعتـه كـن فيـه الحـان
يدغدغ مسمعي ويثيـر كـل السحـر فاشجانـي
ابيها حب واخلاص وهواجيس وفرح واحـزان
ابيهـا مثـل مـا دكتورهـا للعشـق وصانـي
ابيهـا لوحتـن مـا صورتهـا ريشـة الفنـان
ابيهـا جوهـره ماجابهـا قاصـي ولا دانــي
ابيها تنتصرلـي مـن زمانـن حطنـي نيشـان
وتبشر بالغلا اللي مـا لفـا بـه واحـدن ثانـي
هذي اللي ابيها
وصدق شاعر الاندلس