[البدويه]

بصراحه مدري وش بكون تعليق بس ماظنتي ان فيها شي

لو فيها كان هي بنفسها ماسوته واظن ان اللي يشارك في

المنتديات ويعطي رايه في مواضيع وشارك الناس افراحهم واحزانهم

ويتناقش مع جمع غفير من الناس يكون عقله ناضج وعارف الصح من الخطا

طيب وبعدين جد جد جد غريبه شخصية الانسان وعجيبه ذلحين من فيه في ذالزمن

يقول ذالحكي بالعكس الدنيا تطورت وتغيرت ذالحين اغلب الاشغال والمعاملات والوزارات

كلهم اعتمادهم علي الانتر نت وبعدين مشاركت البنت في الانتر نت مثل مشاركتها


في موضوع مطروح علي التلفزيون الاذاعه في الندوات في محاظراتها في الجامعه

مناقشتها لرئيس عملها لدكتورها لأساتذتها وش فيها من عيب لقدها محترما نفساها وللي قدامها

وهم بعد محترمينها وبعدين هو عيا منها علشانها مشاركا في منتديات وش اللي عطاه

الحق وسمح العمره انه هو يشارك وحرمه عليها هي وش العيب اللي فيها من مشاركتها

اظن اذا فيها عيب مهب بس بيلحق البنت لا وبيلحق الرجال بعد

ولا انتم ياذا الناس تبون التطور يجي علي كيفكم تبونه لكم وبس والغيركم لا

تراها وجهة نظر ولا فينا من زعل مثل ماتحب النفسك حب الغيرك

ومثل ماحللته علي عمرك حلله علي غيرك