[شهد]

هلا بك يا Gulf ارحب يالغالي
عيوبك مثل ماذكرتها :


1- ما أتحكم بأعصابي (سريع الاشتعال) بنزين هههههه

وراها ام العبيد مخاويتكم . وش بلاكم شايطين معصبين روقوا المنجاا واذكروا ربكم ترى العصبية تكبر العمر وتعجل بالشيخوخة يمال العافية


2- كسول بعض الأحيان

اترك التتن ونومة القوايل ولا تترك دوانية تشرة عليك ( كثر المسايير ) وكثر من الرياضة واركض 5 كيلو باليوم واليا رجعت البيت ادهن ركبك بفازلين ( الحمدالله الفازلين ماطلع دنمركي والا كان تولجنا المشق ) وابشر بالنشاط



3- مهمل

اقول اترك عنك هالاهمال وخلك من كل هامل وخامل توك فبداية شبابك ومهمل اجل لا شبت وش انت مسوي



4- كذاب

بزعمي انك ايام الطفولة كنت تكثر من الهياط والكذب على اخوياك (يعني علوم البزارين انا شفت اسد بالبر ويومن شافني هج بالله عليك اسد فصحرا . انا احسن واحد يصيد ضبان . انا تعاركت مع سوبر مان وذبحتة وانت من جنبها) الين كبرت ولفت على الكذب وصارت طبيعة
وترى ياجدي ماهنا اشين واردى من الكذب الا البخل . حاول كل ماتولمت الكذبة على الطلعة ان تقفل فمك وتفكر لو دروا بك اخوياك انك تكذب وش بيكون موقفك باختصار بيسمونك الكذوب ولا عاد يصدقك احد حتى لو كانت سالفتك صادقة ( فكر بذا الشي ويمكن يساعدك على تجنب الكذب )
والله يجيرنا واياك من الكذب

الف شكر على تشريفك للموضوع وجراتك وصراحتك