[صوتك يناديني]

ياصباح الخير ياعطر ٍ مـلا صبحـي عبيـره..
عطر الله هالصباح اللي مـلا الدنيـا شـروق

(الأماكـن كلهـا تشتـاق) وعيونـي سهيـره..
(كل شي حولي يذكرني بشـي) مـن الفـروق

(شوف حالي في غيابك) كل ماجابتـك سيـره..
(كنت اظن وخاب ظني) وانصدمت وكيف افوق

والله اني رغـم بعـدك كانـت امالـي كبيـره..
صح انا ماكنت اشوفك بس احسـك بالعـروق

يوووه يانّي كنت اموت بغيرتك واموت غيـره.
.و(غيرتك من غيرك تخرب عليك) اللي تـذوق

انكسر ضي الشموس وجت ضيـاك بتستعيـره.
.واستحى تقصير وصفك واستحت مني الطروق

شفت شمسي في جبينك جيت محتاج لهجيـره.
.(اسمحي لي يالغرام العذب) انا فعـلاً صـدوق

لا تسلين الجفـا لا صـارت سيوفـه شطيـره
..كيف اشوف الما بعيني واتلهـف للبـروق..!!

(بعتذر عن كل شي إلا الهوى) مالـه بريـره.
.(لا اختلفنا من يحب الثاني اكثـر) ياخلـوووق

ماانثنت رجلي عن دروبك ولو كانـت خطيـره.
.الخطر عـن غايتـي صدقنـي انـه مايعـوق

بطوي دروبك ولو رجلي عن الممشـا كسيـره..
.الـدروب الكايـده صدقنـي لمثلـي تــروق

تدري ان الوقت يمضي وادري ضروفك عسيره..
.بس ماادري كيف اخفّي لا بدى بالعين شـوق

(كيف نخفي حبنا والشوق فاضـح) يستثيـره.
..وفي ملامحنا ملامح ساقـت الرجليـن سـوق

ولا انا مثلي لـك الله مايعيـش إلا بضميـره..
..ماعرفت اكذب وعيت نفسـي بغيـري تبـوق

(أقطع ايدي لو طلبت ان كانت ايدينـي فقيـره..
..استحيت اقول ماعندي وجبت ايد وخفوق)...!!

(أشتكي لوسادتي دنيا) بها ضروفـي مريـره...
..يوم صار الليـل وهمومـي تطوقنـي بطـوق

والشعر لا حدني كثـر الضمـا جيـت لغديـره..
.وانهل اللي يطرب احساسي ولأمثالـي يلـوق

ولا غفيت إلا وعيني من رضى نفسي قريـره.
.وانت لازم تعترف باللي بقالـي مـن حقـوق

والله اني تبت عن قلبـي ولا عـاد استشيـره
...بستشير العقـل لاحسيتنـي لصوتـك اتـوق

الزمـن حنـا عيوبـه لا تحملـه الجـريـره....
...حتى لو وقتي سرقني ماقطعت ايـد السـروق



تحياتي : اختكم صوتك يناديني