[الجويّر]

السلام عليكم ورحمة الله وبركاته


هذي قصيده لاخوي فارس في صديقه الحميم فواز فهد العدواني



واتمنا ان تنال على اعجاب قارئيها



والقصيده تقول :

شفت الوصل والجود والطيب والغيره = ولاشفت شخص ٍ 0 هالخصايل مجمعها

لين أتـّـضحلي بالزمان ودواويره = ابو فهد يوم احتواها وطوّعها

فيه الخصايل وافيه دون تقصيره = وبيبان بيته للعواني مشرّعها

هو الرفيق اللي معك ثابت ٍ سيره = يوم المراجل خمـّها ثمّ شلعها

الطيب ماخذ مقدمه مع مواخيره = وحافظ مواجيبه وفاهم وسمعـّها

فواز يعجزبه كلامي وتعبيره = كنّ المراجل بااحمر الشمع شمـّعها

ياطيب ساسه دام هذي بواديره = عز ٍ لبوه وللعداوين باجمعها

وفي عسرت الايام تظهرمذاخيره = ولهموم بقعا ماخضع 0 بس خضـّعها

ذخر الجماعه ماتهمـّه مخاسيره = لاشك همه جايعاتٍ مشبعها

ذيب ٍ يعس ّ القاع من ديره الديره = ماهو هبيل مدلّه ٍ في شوارعها

سلام يافواز يامعدن الليره = يالصاحب اللي طينته ماينوّعها

سلام يافواز ياصفوة الخيره = يامسند الضلعان ميل ٍ يزعزعها




وسلامتكم


الشاعر / فارس رتيبان الجويّر