[راعي العرجا]

السلام عليكم ورحمه الله وبركاته

هذه قصيده لجدي المرحوم صالح بن راشد ال مجيغير الملقب ب ( الشنينه)

رحمه الله واموات المسلمين اجمعين, وهي موجهه لعمي ابوفالح وكان

يذكر له ضيقت خاطره وتردّي الحال به فالمشيب وكان انذاك في ديره والعم في ديره, وبعد ماوصلت القصيده لعمي قال له احد اخوياه وهو عايض المرزوق الحربي ارجوك اترك لي الرد على هذه القصيده بما احمله من تقدير وحب لوالدك, فكان له مطلبه...

قصيده جدي :

ياراكب اللي مايكثّر زهابه______ مافوقه الا الخرج وقشاره الزين

عليه من كلّف بنقل الكتابه ______ ملفاه ابوفالح زبون المجلّيــــن

هو والصغير اللي يناديه يابه _____ جعله يجيني فارح الصدر ذا الحين

قله ترى عودك تردى شبابه ____ يمشي على المعكاز والشوف شوفين

متوحدن كنّي قاعدن في خرابه ____ من عقب سجاتي مع الربع الأدنين
.
________________
. وهي غير مكتمله لكن اترككم مع الرد الجزل من عايض المرزوق الحربي:
_________


يامرحبا بالخط واللي لفى به ___ الخط مكتوبـه على الراس والعين

قريت مضمونه وعرفت الكتابه ___ واودع بقلبي مثل ضرب السكاكين

العود ضيق بي بكزت اكتابـه ____ يالله عسى ماهو مونسن شيـــن

عيني جزت من نومها واعذابه ___ ماذقت لذ النوم والناس ممسيـن

حلفت بالخالق مرسّي هضابه ____ اللي جعل بيته مزار المصلين

ياديرتن ماشوف زولك انا به ___ أني فلا اقعد بها فـرد يوميــــن

لاصلك قبل الشمس تبدي غيابه ___ مالي لزومن في ركوب الحراذين

من فوق جمسن مثل جلد السحابه ___ راعيه ماينقل زهابن ولا ِشين

ماريّحه لو كان يبــدي خـرابـه ____ الا يعد الجمس ميــه وسـتيــــن

وسلامتكم. وصح الله لسان الشاعر عايض المرزوق الحربي .. واسمحو لي لعدم تكمله قصيده جدي لاني ماني بحافظها كامله, وكتبت اللي حافظه... وشكرا