بصراحة فرحت لما شفت الموضوع في لبداية بعدين تضايقت لما طلعت السالفة دعابة
لاني اعجبت بالفكرة
ليس فكرة الخطابة بل فكرة الخطابة الخاصة بالقبيلة
يعني تمنيت فعلا لو فيه خطابة خاصة بقبيلة العجمان او المطران او غيرهم
تكوت هالخطابة لها علاقاتها الواسعة مع بنات القيبلة وتعرفهم وتعرف من هي بسن الزواج
بحيث اي وحدة تبي تخطب لولدها تستعين فيها لارشادها للبيت اللي تنطبق عليه مواصفات المطلوبة
انتم تعرفون ان كل واحد لما يرغب بالزواج يحط شروط معينة منهم من يرغي بمواصفات شكلية معينة
ومنهم من يبحث عن المتدينة وغيرها من الشروط
فلو كانت فيه خطابة متخصصصة بكل قبيلة تعرف بنات القبيلة واهلها
وظيفتها فقط الارشاد الى الطرف الاخر
اما مسألة الاخلاق والشكل فعلى الاهل التقصي عنها وعدم الاعتماد على كلام الخطابة نفسها
والله يا كثر ما واجهت هالمشكلة مع ابناء قبيلتنا المطران
تلقى الام او الاخت مو لاقية طلب اخوها
وبعضهم يظل شهور يدور على بنت الحلال
والاغلبية يدورون بالعروس
لكن للاسف مو كل البنات من رواد صالة العرس
يا ما بنات مدفونين بالبيوت زين واخلاق واصل وشهادة ومحد داري عنهم
لاتقولون وين الاقارب عنها
االزمن تغير وصار عدد البنات يفوق عدد الشباب تخيل في كل بيت اربع الى ست بنات وما فيه الا ولد او اثنين وياليت الشباب ألحين يدورون على الزواج الاغلبية محصلين اللي يبون بالحرام
واذا فكر يتزوج تزوج بعد الثلاثين ويدور له وحدة اقل من العشرين
اما الباقين اللي يدورون على الزواج يحطون مواصفات خيالية يبيها مثل هيفاء وهبي ولا اليسا ولا غيرها
واغلب بنات الكويت جمالهم على قد حالهم
والمشكلة هالشخص اللي يحد هالمواصفات تلقاه لا شكل ولا شهادة ويتشرط
على العموم
اتمنى فعلا وجود خطابة خاصة بكل قبيلة
وارد واقول الخطابة فقط وسيلة لارشاد الشخص للطرف الاخر يعني فقط تضمن لك مناسيتها بالعمر والاصل والوظيفة
اما مسألة الاخلاق مسؤولية الاهل هم من يجب التقصي والسؤال
حتى الشكل لابد من الرؤية الشرعية اللي امر بها الاسلام او على الاقل رؤية اهل الولد للبنت في بيتها مو في عرس كله مكياج وكذب
وبالنسبة لي نعم اوافق على الزواج عن طريق خطابة والباقي يجي دور الاهل وصلاة الاستخارة
وللعلم سبق لي وان فكرت في انشاء قسم لطلبات الزواج بكل منتدى قبيلي
يعني قبيلة العجمان تحط قسم لطلبات الزواج
وتكون المشرفة عليها وحدة من ابناء القيبلة
بشرط ان لا تنشر الا المواصفات العامة يعني العمر والحالة الاجتماعية ونوع الوظيفة
يعني شبيهه بقسم طلبات الزواج بالمجلات
وتكون الوسيط عبر النت بين الطرفين
وفي حالة الاتفاق يكون التفاهم مع المشرفة او الخطابة على التلفون
اما مسألة الشكل والاخلاق يعتمد على الوصف المبدئي من الخطابة ومن ثم يقوم بنفسه بالتأكد عن طريق خطبة الاهل والسؤال
وبهالطريقة نبتعد عن مسألة الخوف من الخطابات
والله يا جماعة اقول لكم احنا فعلا محتاجين لوجود هالفكرة
لا تخلون بناتنا يروحون فريسة لبعض الخطابات
وللعلم اكثر زباين الخطابات هم من بنات البدو والاعداد في تزايد مستمر
لكن للأسف الموجودين عند الخطابات اغلبهم غير اصيلين او مادييين يبحثون عن من تصرف عليهم