قصيده قديمه بعض الشئ لسليمان المانع او كما يحب (ابوروز)
قصيده ربما نحتاج ان نقرأها اكثر من مره لاننا لن نمل منها. قصيده يحكي لنا الصدق عنها.
قصيده يجب ان نقف لها احترام,,,,,,,,,
وجع حب ..ووجع شعر.. وجع شوق.. ووجع ضيقه=على كيفك وهاك اختار هذي سلة اوجاعي
غلا واسمع نزيف الجرح كلام الصمت ما طيقه=انا محتاج اسولف لك عن اول واخر اوضاعي
وابد لايجرحك صوتي حياة الطير تحليقه=وعليك الله تصير الكون والمسباق والداعي
انا اصدق طير بالدنيا عشق حتى مسابيقه=ولكني بديت اذكر معاك ايام مرباعي
تعال افتح كفوفك حلم واموت بيوم تحقيقه=تعال ارسم بحور الشعر وكسر لو تبي شراعي
تعبت افتش الدفتر واحس بحزن تطبيقه=دخيلك غمض عيوني وخل الشوق لصباعي
ابي غيم سرق ربعي وذللهم بتشويقه=اكون اول بشر مجنون تزوره بالعطش قاعي
وحتى لو وهم تكفى ابتوهم بتصديقه=ابي ذاتي ابي مولد يوازي صرخت الناعي
احس بداخلي عالم حرام اقتل مخاليقه=حرام اسكت وانا صوتي نذر وجهه لاتباعي
يااول قلب يبكيني وتبكيني مواثيقه=انا طباعي ماهي زينه ولكن هذي اطباعي
تغرب بي قوافل موت اقول العمر تشريقه=اعيش بشبه غيبوبه واعرف ان الزمن واعي
اكمل لك وجع خوف ووجع فقر ووجع ضيقه=وعلى كيفك ترتبني حلالك بالغلا اوجاعي
اعذروني على الاخطاء ان وجدت