ماهوب كفو الوقت حبك يمحّيه**
ياللي تخاف صروف الايام تمحاه
ارتاح مادام ان المواصل يقويه**
انت . انت وانا . انا وقلبي هو إياه
حتى ولو بتغيب ذكراك تكفيه**
ياواحدٍ تكفي عن الناس ذكراه
حُبك على رملة خفوقي مواطيه**
ورياح عذلي عَنك ماتمسح خطاه
واللي يعذل القلب عن درب راعيه**
الله مايبلا المواليف يبلاه
اخفيه يابلفيت والحال يبديه**
ادناة واحد ينظر الحال يقراه**
اخفيه فيه ومعتنيٍ به وحاميه**
عن كل عينٍ ودها تنزل حماه
قلبٍ يحبك والهوى الذرب ماليِه**
كانك مكذبني بعينك تحلاه