يـا صاح لـو إن الـضوامي مـصاديـــر
الـنفـس عـن بـعـض الـموارد قـنوعــــه
مــا كـل خـلــق الله عـبـاد مـشـاهــيـــر
و لا كل مـن يـقـدم يـنـومـس اربوعــــه
والطـيـب منصب للـوجـيـه المـسـافــير
ولا الردي تقصر عن الطـيـب بـوعـــــه
قــدر وتــلـقــى لك مـعــزة وتــقــديـــر
و رافق خويـــاً مثل طـبعك طـبوعــــــه
اليـا ذكـرتـه قـلـت يـذكـرك بـالـخـيــــر
يا واحـداً يـا قـل شـكـلـه و نــوعــــــــه
صعبت على اللي يحـتمون المظاهـيـــر
أبـعـد عن اللـي يـمـتـنـي حـب كوعـــه**
وراجت على اللي يرخصون المساعيـر
وهـانت على قوم الـنفوس الـدنـوعــــه
ورجعت على اللي يطردون المعاصيــر
و ســاق الشجر قامت توامى فروعــــه
و الأمـر عـنـد مـدبـر الـكـون تـدبـيــــر
مخضر عروق المـيـتـه من رجـوعـــــه