نفسي على الخايـع الممطـور ولهانـه
وعن زحمة الناس ودي بالخلا الخالـي
**
تغيب عنـي همـوم القلـب واحزانـه
لاغاب عـن تغطيـة لرسـال جوالـي
اسج واسري بفكـري واطلـق اعنانـه
يحلالـي الليـل والتفكيـر يحـلالـي
**
افكـر بصنـع رب الكـون سبحـانـه
ويمضي بي الوقت وانـا دالـه سالـي
**
يومٍ ن بعـض الاوادم صخـر السانـه
لمجالس اهل الخنـا والقيـل والقالـي
**
زين له ابليس عرض افـلان وافلانـه
يبهت ويهتـك عسـى مافالـه ابفالـي
**
صحيح بعض المجالـس مالهـا خانـه
والبعد عنهـا بجـو الوحـده اشوالي