اخررر ما كتبت
اقوووول
ما بدا للعين والقلب الحزين
غير جر الصوت في جنح الظلام
لاعنا يعني من راح السكين
ولاشفا جرحن من سيوف الهيام
تردف الاحزان بالزند المتين
لين ودتني لمحياض الحيام
الامر منهي من اللي أمرين
والعتب يعجز علا كثر الكلام
مابقالي لا يسار ولا يمين
ولا بقا بنيه على بني الهدام
ياهجوسي ما بقا بقعه تبين
تضرب الاطناب في صدري خيام
ياهجوسي هجرسي واخذ الكنين
لاج من وسط الحشا شرقن وشام
ياهجوسي وين ألاقي قلي وين
ناعسات الطرف مجدول السنام
بس وين ألقاه في غبش السنين
بعد ماطال المهاجر والخصام
ياهجوسي خافقي عنده سجين
من ورى عينه ومن بين العظام
كل يوم اصحى على وتر الانين
وأفزع امن النوم ويطير المنام
ياهجوسي غاب عني مدري وين
خالف أبعهده وغير فالنظام
حط مابيني وبينه حاجزين
حاجز الفرقه وحاجز الختام
ياهجوسي ناظري له طرف عين
ماني مغرور لكني مقام
ياهجوسي والوفا بيني وبين
الوليف اللي مقفي للامام
هرجته معسول من هرج السمين
وشتلا من فكرتي ضرب السهام
ياهجوسي ما أقول الا المهين
الذي يدعس على روحه دهام
والحمد لله عزيزن مقتدين
بالنفوس الراجحه عامن لعام
ياهجوسي خابر اللي خابرين ؟..؟
حبي شايع من فوادي بالكتام
كثرته تبرح عيون الخاصمين
تضرع لناسن عليه بالهمام
ياهجوسي روحتي شينه وزين
لكن اللي باع نفسه والجهام
ما أضن انه يعين اللي يعين
ولا اضن يفرح بجيات الحشام
واختصار العلم يالله يامعين
تجتلي قلبن على وهجه مظام