كيف ابتدي من وين ببدى ومن وين= يا حلا الجواهر يابيوت القصيده
ياابوفهد سجل قصيد ودواوين= واذكر بعد راع البيوت الفريده
تنساق لك ياخال عطر ورياحين= يافزعة المحتاج مدري عضيده
انا نخيتك وانت ريفن للادنين= مواقفك ماهي علينا جديده
شاعر انا ادري لارجحن الموازين= اكتب اللين القلب ينشف وريده
الوقت قاسي والرياجيل شرهين= وجدي ابوكروز وانا حفيده
راحت بنا عقب الاشده حراذين= الارض بيضاء والموارد بعيده
ايه الكرم عند الرجال المسمين= والله كريم ويفعل اللي يريده
يالله يامنزل تبارك وياسين= يالله عسى وان مت روحي شهيده
ياعين هلي لاقبل الليل ياعين=العمر لامن راح محدن يعيده
الفعل يبقى والمواقف براهين= والرجل لامن مات قالو فقيده
دنين تقلب لي على يسار ويمين= من مدتن قدلي سنين عديده
ياصبر انا مليت بكره وبعدين= المنتظر وش عاد كمل رصيده
سنين وان راحت تجي عقبها سنين= وايام راحت مابعدها شريده
عهدن علي وان قلت دينن بثر دين= لاكتب وفاء لاهل الوفاء والعقيده
ايه انت ابوخوذه كعام المعادين= شهمن جمع كل الصفات الحميده
ابوفهد لمن غدى الليل ليلين= عسى حياته كلبوها سعيده
قولو معي امين امين امين= ابوفهد ناصر والارياء سديده
يرجيه مهمومن بوسط المساجين= حده زمانه والحيات الزهيده
معربن منا ومنا بجدين= بين البطان وبين راع الجريده
تنشرله البيضاء على راس رمحين= هو عزكم ياهل القلوب البليده
للجود له اسمن ورمز وعناوين= قاسي والى لان الحديد وحديده
يفداه خبلن مايعرف القوانين= الى وعد ماهوب يصدق وعيده
اللي يزوم النفس بالله على وين= يالله عسى ماصاد غيره يصيده
ابوفهد عز الضعوف المساكين= ياناشدن هاك العلوم الوكيده
شوق الذي تشكي وتبكي من البين= عافت جميع الناس محدن تريده
عافت وشامت من جميع المحبين= تبغى الكرم راع العزوم الشديده
ابوفهد يالله عسى عمره سنين= من غيره اللي يستحق القصيده
\\\\\\\\\\\\\\\\\\\\\\\\\\\\\\\\\\\\\\\\\\\\\\\
الاخوه الاعزاء بعد هذه القصيده نتوقف لطرح القصائد
الخاصه بالشاعر شاكرين ومقدرين لكم التواصل والحضور
في كل المشاركات
والشكر موصول للاخوه فيصل بن حجرف والاخ العزيز عزاام على جهودهم المبذوله
في امان الله متمنين للمنتدى التوفيق والنجاح المستمر
اخوكم
حزم الجلاميد