سرقتك البارح وجيتك على ساس
انك تقابلني بـ شوق وحنيني
اثرك بليد اشعور ماعندك احساس
لو كان فيك احساس حسيت فيني
ليش التكبر وانت واحد من الناس ؟
وليش الغرور مبعدك ماتبيني !
تعال كلمني من الراس لراس
ارفع عيونك و حط عينك بعيني
العزه اللي داخلي مالها قياس
ان ماجيت لي وفا لا تجي لي
انا معي فكري وحبرن وقرطاس
لاقلت الحيله تفزع يديني
اطرد همومي كل ما دق هوجاس
واعيش فتره بين نفسي وبيني
واجمع هموم القلب والضيق والياس
واكبها في مهملات السنيني
شفني معك ماعاد لي ( قلب حساس )
البارحه ويني ..؟ واللحين ويني
صاحبك في ترك المقفين ويباس
لجل الكرامه كل قاسي يليني