اثناء الانتخابات التشاورية السابقه كان هناك مجموعه من ربع خالد الطاحوس يدعون ربعهم للتصويت للحويله لانه الحلقه الاضعف لو نجح في الفرعي وحتى تتحول الاصوات في الرئيسي الى الطاحوس ضارباً بعرض الحائط كل القيم والمثل التي كان يدعيها خصوصاً وان محمد الهملان وهو عضو في التكتل الشعبي في الخامسه كان نازل للتشاوريه .
وبعد فضحهم في المنتدى وفي تويتر انكروا وازبدو وارعدوا ومنهم اعلامي ومدير مكتب قناة فضائية معروف .
وبعد الانتخابات بأشهر يخرج لنا هذا الاعلامي ومعه مجموعه من ربعه يوطالبون بإقالة محمد الهملان من لجنة الشعبي في الخامسه بحجة انه نازل فرعي مع العلم ان الاعلامي من الناس اللي مصوتين في الفرعي وفي نفس الانتخابات كان هناك نائب عازمي تكتل شعبي نازل فرعي وبعدين انسحب وصاحبهم اللي مشيشهم الانتخابات اللي قبلها كان نازل فرعي .
المشكله هنا ان اخوان الطاحوس للأسف مايبي الا مصلحته الخاصه ولا همه من ينجح غيره حتى لو كانت مخرجات الدائرة كلها سيئه الا ان همه ان ينجح هو وبالتالي سلط بعض الأمعات للضرب على هذا الوتر ومحاولة منهم لاحراج الهملان ولكن انقلب السحر على الساحر هين هددوا برفع استقالاتهم وتم قبولها من لجنة الشعبي في الخامسه .
للأسف اصبح الضرب بين ابناء العمومه والسبب نائبنا الفاضل اللي ماهمه لا مصلحة قبيلة ولا مصلحة تكتل ولا همه الا نفسه .
ولو بنسولف عنه هو شخصياً ماراح نشوف اي انجاز او مشروع يهم الوطن او المواطنين بل مجرد لعب وضحك على الذقون وتصريحات ناريه الهدف منها دغدغة المشاعر لا اكثر ولا اقل .
لذلك نقول للأخ الطاحوس ترى انت نائب وبلاش الامور هذي وحاول تلتفت للمصلحة العامل وللعمل النيابي واترك عنك الخصومات اللي ماراح تفيدك
خصوصاً ان اكثر من وقف معك اثناء سجنك هو محمد الهملان واكثر من كان يشتغل لك اثناء ترشحك هو محمد الهملان ولا تقدر تنكر هذا الشي