[سلطان المطيري]

والتعليم والصحه والاسكان...بيدفعهم من مخباه؟وين ميزانية الدولة؟وش قال علي الراشد؟
علي الراشد بنفسه يقول : ماعندي مانع ينباق 50 بالمية من الميزانية...وينشئون منها 50 بالمية؟؟؟
اي دولة اللي يصرح مسؤول فيها بهالكلام؟؟
يعني 20 مليار...ماعنده مشكلة ينسرق منها 10 مليار؟
وين يروح حق الشعب الباقي؟ببطون النواب والمرتشين؟ببطون حنا اهل السور؟
ونروح نصوت لنواب عشان يحط لي سكرتير يوظف ولدي او يخلص معاملة علاجي؟
هذي حقوق كل مواطن...والمفروض تتوفر من غير حب خشم فلان وحب خشم فلان ؟
وحتى لو فرضنا يا جماعه ان وظف ولدي...ولدي يتعب ويشقى ومن عرق جبينه ياخذ معاشه؟
لان الحكومة فاسده
وش اكبر منها يصرح مسؤول اميريكي ويقول...القائمين على الكويت يعتبرونها دولة مؤقته
ولن تستمر اكثر من عشرين سنة
الوظايف المفروض تتوفر لان الكويت قادرة على توفيرها...
لكن حكومتنا تصرف على الدول الثانية...وتدفع فواتير غزو امريكا وتطيح ديون العراق وتسوي للدولة الفلانية مستشفيات وتسوي للثانية جامعات وتسوي للثانية مدن تجاريه
واللي يبقى من الميزانية...يروح لرولا دشتي ويروح لربعها؟هذا مو منطق طبيعي؟
ويطلع كان من كان ويقولي لا تطلع من بيتك وتسوي تجمعات وترفض سرقاتي...او اطقك؟
ي اخوان حنا مو بالبصره وحنا دفعنا ثمن الغزو ودفعنا فواتيره...
والوطن وطني مو لفئة معينه مستفيده...وانا اذا زعلو مني هددوني بسحب الجنسية او بالطق او بالسجن؟
ي اخوان والله العظيم السنوات الجاية جدا حساسه...والتجمع اللي طاف طلعو للشارع 100 الف مواطن...يعني عشرة بالميه من الشعب الكويتي طلع للشارع
رافض الفساد ورافض اشكال النواب اللي تمثله....
السنوات الجايه فيها مخاطر كبيرة وفيها مستفيدين كثار...ما ننسى فضايح البعض من اللي كانو يسبحون الملايين من البنك المركزي لتمويل حملاتهم الانتخابيه
ولا ننسى التلاعب بأموال البنك المركزي على حساب الشعب وعلى حساب الضعيف
ولا ننسى تجنيس كومار...ورفض الجنسية للبدو اللي منعهم منها...جهل شيبانهم