[قبلةالعجمان]

ون أبن جدلان مـن لايـعٍ لاعـه=كـــــن فـــــي كـــبـــدي دوافـــيـــر صــنــاعــي
ألعب المنكوس وأحـب روباعـه =مــمـــلٍ فـــــي الــوقـــت والـــوقـــت خـــداعـــي
مادريت أن ضحكة الوقت خداعه =شـــفـــت مــدخــالـــي ولاشـــفــــت مــطــلاعـــي
لابغيت أسج والا انبصـط ساعـه =دق قــلــبــي مــــــن وراء حــــــدب الأضـــلاعــــي
كم من بين الضلوع آلـة طباعـة =تـشــتــغــل لانـــمــــت وأقـــــــوم مــرتــاعـــي
هـم قلبـي مايفـرق تجمَـاعـه =غــيـــر جـــــر الــصـــوت والــنـــاس هــجــاعــي
فاقدٍ لي سلعـةٍ وأكبـر أبضاعـه =ســلــعـــةٍ تـــشــــراء ولاهـــيــــب تــنــبــاعــي
رفقة الطيب ليـا غيـر أطباعـه =أشــهـــد أنــهـــا كـــيـــةٍ تـــوجـــع أوجـــاعـــي
راكب إلي صممه صاحب أصناعه =جــمــس بــيـــك أب مـــــن حـديــثــات الأنــواعـــي
الغريب الي جديـدٍ مـن أنواعـه =حـــــوض رفـــــرف مـايــبــي شـــــد وشــراعـــي
لا أنس البنزين عجـلٍ تفرقاعـه =مـخــطــرٍ مـــــن سـرعــتــه يــقــلــع أقـــلاعـــي
لاتحرك شفت في القاع مشلاعـه =والـتــوايــر تـظــهــر الــمـــاء مــــــن الــقــاعــي
ينعش القلب الحزيـن أبتهملاعـه =لامـــشــــا قـــــــام يـتـهــمــلــع تــهــمــلاعــي
لاوطى الأرض العتش كن تهزَاعه =بــنــت شــيــخٍ طــامـــحٍ مـــــن ولـــــد راعـــــي
في رجاء الغايب تحَرا لمرجاعـه =تــنــقـــد الــعــشـــاق وتـــطــــق الأصــبــاعـــي
نفسها من جملة النـاس منصاعـه =مــاتــبـــي إلا واحـــــــدٍ ذكـــــــره أيــشــاعـــي
ينحر اللي يأخذ الطيـب بذراعـه =الــصــديــق الــصــافــي الــصــامـــل الـــواعــــي
الوفاء والطيب ساسـه ومنباعـه =يـــــوم بــعـــض الـطــيــب تـقـلــيــد وصــنــاعــي
لاوصلتوا فأخبروني عن أوضاعه =وأخــبــروا راعـــــي الـســمــارا عـــــن أوضــاعـــي
أنشدو ويش السبايـب بمهزاعـه =لاعـــلــــي نـــاقــــص ولا أبـــيــــه فـــزَاعــــي
ودَنا نرضيـه ونحـاول أقناعـه =كــــان بــــن مـهـمــل بــعـــد يـســمــع الــداعـــي
كان يبغـا حـق للحـق قطَاعـه =نــقــعـــة والـــحــــق مــاعــنـــه مــجـــزاعـــي
وكان مبغضٍ في الرياجيل بتَاعـه =لايـــجــــي نـــاقــــد ويـلـحـقــنــي أريــــاعــــي
لصَديق نخلَـي النفـس خضَاعـه =مـــانـــوريــــه الـــجـــفــــا والــتــمــطَــاعــي
الصداقة عندنـا ذخـر وطماعـه =صــحــبـــةٍ مــاهــيـــب صــحــبـــة تـمــتــاعــي
حد جدتها علـى البـرق لماعـه =وإن خــــــذت يــومــيــن مـفـعـولــهــا ضـــاعــــي
فإن تليمنا علـى العـز والطاعـه =وأن تــفــرقــنـــا فــــجـــــوج الله أوســـــاعـــــي
ما أطرد المقفي ليا صفط أشراعه =مــخــبـــل الـــلــــي لـلـمـقـفــيــن تــبَـــاعـــي
من يحط أذنه على كـل سماعـه =جـــــــاه فـــرقــــاً مــابــعــدهــا تــجــمَــاعــي
والزباد أختام هرجـي ومطلاعـه =يـدفــعــه مـــــن ريــحـــة الــمــســك ذعـــذاعـــي

بن وذين ..
لاهنت على اختيارك المميز
واسمحلي على تنسيق القصيده