الشاعر : فهد المري
بيض الله وجه من هو حافظ حق اﻷخوّه********************
******************** في زمان ماحفظ به راعي الذمه وديعه
مايخون الخوه إﻻ واحد مابه مروّه********************
********************ما تقيده السلوم وﻻ تقيده الشريعه
ذا رفيق مايسرك لو سقاك دﻻل ضوه********************
********************كل يوم له رفيق يشتري فيه ويبيعه
أبتعد عنه وخله ﻻتخيل بروق نوه********************
********************لو زمى سيله وزبّد ماتبارك به ربيعه
ياهني منهو يصد وﻻدرى بكثره وشوه********************
********************يدعس الدنيا برجله من رفيعه في رفيعه
دام به حيلٍ يشله زاد رفعته وسموه********************
********************لين يلقى له مكانٍ فوق خلق الله جميعه
مستقر فيه يمشي شايخٍ بارضه وجوه********************
********************لو رفع بيده عصاته جاته الدنيا مطيعه
إن عطى يعطي مروه وإن خذا ياخذ بقوه********************
********************وإن عوى ذيبان يربض كل ذيب وسط ريعه
واثق في كل خطوه مالتفت خلفه وتوه********************
********************لو بغا مليون سكه ماتضيق به الوسيعه
ول ياوقت تغير وانقلب حدره علوه********************
********************قلب قلوب اﻷوادم والحق الطيب هزيعه
كم خويٍ شفت خيره كم خويٍ شفت سوه********************
********************كم مكانٍ شفت فيه هنا وصل وهنا قطيعه
كم رفيق لو نشدته عن مواجيب اﻻخوه********************
********************ماعرف هي من سلومه او قوانين الطبيعه