بسم الله الرحمن الرحيم
السلام عليكم ورحمة الله وبركاته
اسعد الله صبااحكم الجديد
ارجوو ان تناال علي اعجبابكم
قصيدة بشويش يا سييد الغرانيق بشويش
ناديتك بصوتن صداه التشاويش
وصوتي بعد ذيك المسافه رعشته
امشي واتل الصوت تل الدناديش
ويجيك صوتي بالهوا لا طرشته
حالي عقب فرقاك هم ومرابيش
مثل الزجاج اللي بدينك خدشته
لا زاينن شكله من سباب تخديش
ومحلاه يوم القرب فيك ووحشته
بشويش ياسييد الغرانيق بشويش
والصبر مفتاح الفرج لا طفشته
لو يمتلي الدولاب كله خفافيش
ما كان راح اللي جفاك وبلشته
غديت كني طير مقطوع له ريش
يوم العذاب اصبح بديك ونقشته
لا وا عذابي منك وقت اللواليش
وقت الفرح ساكن معك ما كرشته
حتي اتصالك صعب ياتيه تطنيش
لا رن جوالي خفوقي ربشته
لا تآمن الدنيا بسعوط الملاكيش
مني خذيت القلب مني لكشته
نبشت لك هالقاف يازين تنبيش
وحاولت اعمر في حشاك وطبشته
صوتي اتله لك تل القراقيش
ياليت صوتي بالهوا ماطرشته
وسلامتكم.
لكم اطيب التحياات .