صباح الشوق
ما غبت عني وفي خفوقي مكانك
ما غيرك الي بالمحبه غمرني
يا كيف ابنسا يا حياتي حنانك
حنانك الي يا غناتي سحرني
اموت في كلمه نطقها لسانك
اضيع اعلومي وهرجك بهرني
اتيه معرف قسوتك من ليانك
لن الزمان بحب مثلك جبرني
وانا تحديت الليالي عشانك
في درب حبك مستمر لو عثرني
والله ما هدك وجود عنانك
لو تطعن اسيوف الليالي فرني
تبقى مخلد ما تهزهز كيانك
تبرا جروحي او عسى ما برني
اوقف ورحب في مواجع زمانك
اجحد وقول ان الزمن ما دمرني
ويبقي على روس الطويلات شانك
ولا غيرك الي بالمحبه اسرني
ولاغير قلبي في محبتك صانك
حتي الغلا يا منيتي لك امرني