[عـزام]

شاعــــرٍ تل القـــــوافي في طواريقـــــــــــه … وغنّا= ناشـــــدٍ عني .. تراني من عــرب .. شبـــه الجزيــــره

ياسلام الله ســـــــــــــــلام الطيب .. والطيــب .. يتثنــا=ياقصيــــــــدي .. وانت راعي الأولــــه قبل الأخيــره

يوم ساقتـــــــــني هجـــــــوسي ياولد .. منّا .. ومنّا=قلت ارد الشـــــــان للرحمـــن .. وادعي بالستيــــــره

ماتكبــــــدّت الخســـــــــــــاير ... من وطنّا .. في وطنّا = باخص ٍ طيـــــــــــري .. ومن له بالقنص يبخص بطيره

والله انّا ماطـففـنا الكيـــــــل يــــــوم انّا وزنّا=ولا ذخـــــرنا جـــــــاهل ٍ كالـــوا بلا صاع ٍ شعيـــــــره

ماتعوّدت الحــق اطـــــــلب … للخــــــــــــوي الاّ أتمنّا=دام لي وجـــــــــه ٍ يمــون وكل نشمي يستعيـــره

علم اللي طـــــــــاح مابين المغــــــيره .. والمثــنا= ان سلـم سيـــف المثـنّا ... ماسلم سيــف المغــــــيره

يحســـب انه يلحـــق ( منــيره ) وهو يلحــق ( مهـنا)=الخبل يلحق ( مهـنا ) يحســـب ( مهـنا ) ... ( منــيره )

كان ظنّه ماوصلـنا ….. علمـــــــــــوه انّا وصلنا=مايمــــوت من الظما مطــوي رشا غربــه .. لبيـــره

والغبيـــنه … لا عليّ النــــذر مثله ماغبــــــنا= كل حبٍّ له رحـــــاه … وكل سيفٍ له جفـــــــيره

من ( جحــا والاّ حمـــــيره ) وش علينا .. ما اشتحنا =دام حـــــذّينا فرســنا .. من ( جحــا والاّ حمـــــيره )

ان بغاها بالمراجــــل … ينشـــــد القــالات .. عنّا=ويــــــدري انّا لا نخانا... بزر ... قمنا له .. عشيــره

ماذخرنا الاّ الحمـــــيّا .. والوفا .. وسلــوم اهلنا=يــوم ولد اللاش يذخــــر قلّة الشيــــــمه ... ذخيره

واكبر اهـــل الدار.. لو مـا وصل حد الشيــب سنّا=شايبٍ لا اعمومســـــت الأريــا نجيـــــه ... ونستشيــره

وان بغــاها بالشعر … حنّا هلك يالشعر حنّا=ان قصدنا .. نستبيـــــــحه ... وان سكتــنا .. نستثيره

ياجمـــلنا ما جهــــلك ( الزير سـالم ) يا جمـــلنا=ايهبا ( داحس ) على ( الغبراء ) على ( سالم وزيــــره )

قد وسمْــتك وسْـم جدّ ي ..لا غفلت.. ولا جهلنا=وكل مطـــــــــنوخ ٍ يوسّـــم وسم جدّانـــــــــه ... بعيره

والهنـــــوف اللي زهت بكفوفها نقشــات حنا =روّحت بقلـــــــــــــوب بعض النــــاس من ديره لديره

وافضحت وجنــــة ( سميـــره ) خوّة اللي ممتحنا =بايـــع الخـــوّه .. بحبة خال في وجنـــة ( سميره )

صاحبي .. لو تآخذك في اللاش شرهة حسـن ظنّا=عدّها .. شرهـــة ضمير ٍ حي في ميّــت ضميره

صاحبي .. ماكل وردٍ يعجــــبك شكله يجنّا =ولاخبرت اعمى بصيره .. جاء يقود اعمى بصيره

والدحيـــــــمي يوم تل القاف هيجــن به وغنا =ياسلام الله على ربعي ... عـــــرب شبــه الجزيره

وســـــلامــــتــــكـــم

الشاعر: محمد الدحيمى