جيتك ويسبق دمعتي لهفة الشوق
جيتك وأنا مشتاق لك يا ضنيني
جيتك وأنا مالي سواك أنت معشوق
جيت وعلامات الغلا في جبيني
جيتك تعال وشوف هالصدر مشقوق
منحوت أسمك عند أسمك حنيني
فديت صوتك يا حلا كل منطوق
فديت روحك انت يا محتويني
شفت الموده منك ينبت لها عروق
وشفت المحبه صادقه شوف عيني
وشفت الغلا عندك مع الناس مفروق
وشفت الحياة بنظرتك تشتهيني
يعني خلاصة هالحكي انتي الذوق
وأنتي لي الباقي من أحلى سنيني
يا غايتي ومناي لبستك الطوق
طوق المحبه بين قلبك وبيني