تعالي وافتحي قلبي تلاقين الغلا موجود
تلاقين الهوى خلّد غرامك باروع احساسي
تلاقي ريشة ابداعي تغني للعيون السود
قصيدي يوم يزهابك حروفه در والماسي
دخون حروفي انفاسك تفوح بعطرها والعود
تفوح بنرجس وكادي تجود وتحضن انفاسي
هلابك يا شذى عمري هلا بالجادل المعقود
هلابك ياشموخ العز من ماطاك للراسي
سحابة لامطرت يهنى بوابلها الشقي المقرود
والى شحت همايلها ربيعي قيض ويباسي
تغطيني بفي رموشها اللي ظلها ممدود
فديت عيونها بروحي عيونٍ سود ونعاسي
تثنت مثل عود الخيزران الناعم المزهود
تليّن قلب عاشقها تليّن قلبه القاسي
تعالي لعنبو وقتٍ يباعدني معك بصدود
ذبل مرباعي بدونك وقام يحوم وسواسي
تعالي واحلفي واعطي مواثيق الغلا لــ سعود
وانا خيال هالمهرة ودرب الصدق نبراسي