[عقاب]

السلام عليكم ورحمة الله وبركاتة


؛؛ دفتـر قصيــد ::

يا ملهم الفكر ويش اقول وادوّن = وانت اتراوالي مع كل قافيّه
الهاجس ان غبت عنّه ساعه يخوّن = وشلون لا صرت غايب عنه موليّه
منين بلقى لي على وصلك معوّن = والله يستر من جفاك وتواليّه
في كل يوم اقول بآسج واهوّن = أدلّه النفس عن طاريك .. ومعيّه
يا صدق من قال وجه الوقت متلوّن = لكن ما ينسي الرجال ماضيّه
يوم ان عرف الهوى محفوظ ومصوّن = والشك زايل , وضحك السن ماريّه
قبل الجروح تمون فالصدر وتموّن = محاجري دمعةٍ من عام مكميّه
عز الله ان قدركم قد شيّد وكوّن = في داخلي بيت لكن مات راعيّه
لا تنشد الأيام من عقبك اشسوّن = ينبيك (دفتر قصيد) اتلااه مرثيّه

للـشاعر / ماجد مهنّا